మెగా ప‌వ‌ర్ స్టార్ రామ్ చరణ్ తేజ్‌- యంగ్ టైగ‌ర్ ఎన్టీఆర్ హీరోలుగా దర్శకధీరుడు రాజమౌళి దర్శకత్వంలో భారీ మల్టీస్టారర్ తెరకెక్కనున్న సంగతి తెలిసిందే. మెగా ఫ్యామిలీ- నందమూరి కుటుంబాల నుంచి మల్టీస్టారర్ వస్తుండటం ఎన్టీఆర్, రామ్ చ‌ర‌ణ్‌ల‌ని ఒకే స్క్రీన్‌పై చూడనున్నార‌నే టాక్ అభిమానుల‌లో ఫుల్ ఎనర్జీని నింపింది. ఇప్పటికే ఈ సినిమా కోసం జక్కన్న స్క్రీప్ట్ సిద్ధం చేసిన జక్కన్న ఒకేసారి ఇద్దరికి కథ వినిపించడంతో పాటు ఆపై వ‌ర్క్ షాపును కూడా నిర్వ‌హించాల‌ని ఆలోచిస్తున్న‌ట్టు తెలుస్తోంది. దాదాపు 20 రోజుల పాటు సాగే ఈ రిహార్స‌ల్స్‌లో తార‌క్‌, చెర్రీ పాల్గొంటార‌ని స‌న్నిహితులు చెబుతున్నారు.
ఈనేపథ్యంలో ఈ సినిమా ఎప్పుడు సెట్స్ పైకి వెళుతుందా అని అంతా ఆత్రుతతో ఎదురుచూస్తున్నారు. ఎన్టీఆర్.. చరణ్ ల పాత్రలు ఎలా వుండనున్నాయనే కుతూహలంతో వున్నారు. ఈ సినిమాలో అన్నయ్యగా ఎన్టీఆర్.. తమ్ముడిగా చరణ్ కనిపించనున్నారనేది తాజా సమాచారం. ఇప్పుడు టాలీవుడ్‌ దృష్టి మొత్తం ఈ ప్రాజెక్టుపైనే వుంది. ఎన్టీఆర్.. చరణ్ ల కాంబినేషన్లో రాజమౌళి చేసే మల్టీ స్టారర్ మూవీ కావడంతో అందరూ ఈ మూవీ గురించే చర్చించుకుంటున్నారు.
అయితే ఇంతకుముందు ఇది స్పోర్ట్స్ నేపథ్యానికి సంబంధించినది సినిమాగా టాక్ వినిపించినా .. తాజాగా మరో టాక్ వినిపిస్తుంది. ఈ సినిమా యాక్షన్‌తో కూడిన ఫ్యామిలీ ఎంటర్టైనర్. కుటుంబాలు.. బంధాలు.. అనుబంధాలు పెనవేసుకున్నదిగా ఈ కథ కనిపిస్తుంది. ఇక ఎన్టీఆర్ అన్నయ్య పాత్రలో, చరణ్ తమ్ముడి పాత్రలో కనిసించనున్నారనేది సినివర్గాల సమాచారం. వీరిద్దరి పాత్రలను రాజమౌళి ఎలా తీర్చిదిద్దనున్నాడనేది ఆసక్తికరంగా మారింది. ఈ మూవీకి సంబంధించిన మరింత సమాచారం తెలియాల్సివుంది.
