షకీలా…సౌత్ ఇండస్ట్రీలో ఒకప్పుడు తిరుగులేని శృంగారతార. అయితే ఇప్పుడిదే శృంగారతార జీవితం త్వరలోనే బయోపిక్‌ గా రానుంది. ఇప్పటికే నటి సిల్క్‌ స్మిత జీవిత కథ ఆధారంగా తెరకెక్కిన డర్టీ పిక్చర్‌ సంచలన విజయం సాధించిన సంగతి తెలిసిందే. తాజాగా ఇంద్రజిత్‌ లంకేష్ దర్శకత్వంలో షకీలా జీవిత కథ ఆధారంగా సినిమా రాబోతోంది.
షకీలా వ‍్యక్తిగత జీవితం, సినీరంగం ప్రవేశం, కెరీర్‌లోని కష్టాలను వెండితెర మీద ఆవిష్కరించనున్న ఈ బయోపిక్‌లో బాలీవుడ్ బ్యూటీ రిచా చడ్డా షకీలా పాత్రలో నటించేందుకు గ్రీన్‌ సిగ్నల్‌ ఇచ్చేసింది.
16 ఏళ్ల వయసులోనే సినీ రంగం ప్రవేశం చేసిన షకీలా ఒక దశలో స్టార్‌ హీరోలకు కూడా గట్టిపోటినిచ్చింది. మలయాళ ఇండస్ట్రీలో టాప్‌ స్టార్‌లు కూడా ఆమె సినిమాలో పోటి పడాలంటే వెనకడుగువేసేవారు. ప్రస్తుతం షకీలా తెలుగు, తమిళ, మలయాళ భాషల్లో క్యారెక్టర్‌ ఆర్టిస్ట్‌గా కొనసాగుతోంది. కాగా..షకీలా బయోపిక్‌ ఏప్రిల్‌లో సెట్స్‌ మీదకు వెళ్లనుంది. మొత్తానికి షకీలాబయోపిక్‌ రీలీజ్‌ తర్వాత బాక్సాఫీస్‌ను ఏ మేరకు షేక్‌ చేస్తుందో చూడాల్సిందే.
