మెగా హీరోయిన్‌ “హ్యాపీవెడ్డింగ్” పూర్తి..

ఇటీవ‌లే క్వీన్ ఆఫ్ టాలీవుడ్ అనుష్క తో భాగ‌మ‌తి లాంటి సూప‌ర్ బ్లాక్‌బ‌స్ట‌ర్ ని సాధించిన‌ యువి క్రియేష‌న్స్ మ‌రియు పాకెట్ సినిమా సంయుక్తంగా ల‌క్ష్మ‌ణ్ కార్య ద‌ర్శ‌క‌త్వంలో యంగ్ హీరో సుమంత్ అశ్విన్, మెగా ప్రిన్సెస్ నిహారిక కొణిదెల జంట‌గా నిర్మిస్తున్న సినిమా ‘హ్య‌పీ వెడ్డింగ్ షూటింగ్ పూర్తి చేసుకుంది. యువి క్రియేష‌న్స్ బ్యాన‌ర్‌లో తొలిసారిగా సుమంత్ అశ్విన్ న‌టిస్తున్నారు. ఈ క‌థ చెప్ప‌గానే చాలా ఎక్సైట్ అయిన హీరోయిన్ నిహ‌రిక మొట్ట‌మొద‌టి సారి సుమంత్ అశ్విన్‌తో చేయ‌టం విశేషం. వీరిద్ద‌రి మ‌ద్య జ‌రిగే చ‌క్క‌టి క‌థగా ఈ చిత్రం తెర‌కెక్కుతుంది. ప్ర‌స్తుతం పోస్ట్ ప్రోడ‌క్ష‌న్ జ‌రుపుకుంటున్న ఈ చిత్రానికి ఫిదా లాంటి సూప‌ర్ బ్లాక్‌బ‌స్ట‌ర్ ఫిల్మ్‌కి సంగీతం అందించిన శక్తికాంత్ కార్తీక్ మ్యూజిక్‌ని అందిస్తున్నారు. ఫిబ్ర‌వ‌రి 14 వేలంటైన్స్ డే సంద‌ర్బంగా ఈచిత్రం యెక్క మొద‌టి లుక్ ని విడుద‌ల చేయ‌టానికి నిర్మాత‌లు స‌న్నాహ‌లు చేస్తున్నారు. స‌మ్మ‌ర్ లో చిత్రం విడుద‌ల చేస్తారు.

ఈ సంద‌ర్భంగా నిర్మాత‌లు మాట్లాడుతూ.. తెలుగు సినిమా పరిశ్ర‌మ‌లో వ‌రుస విజ‌యాలు సాధిస్తున్న‌ క్రేజి బ్యాన‌ర్ యు వి క్రియోష‌న్స్ బ్యాన‌ర్ లో 2018లో భాగ‌మ‌తితో సూప‌ర్ బ్లాక్‌బ‌స్ట‌ర్‌ని సాధించినందుకు యు వి క్రియోష‌న్స్ వారికి మా శుభాకాంక్ష‌లు. అలాంటి ప్ర‌తిష్టాత్మ‌క సంస్థ‌తో మేము అసోసియోట్ గా ‘హ్య‌పివెడ్డింగ్‌’ చిత్రాన్ని తెర‌కెక్కిస్తున్నాము. సుమంత్ అశ్విన్‌, నిహారిక లు జంట‌గా న‌టిస్తున్నారు. ఫిదా లాంటి మ్యూజిక్ ఛార్ట్‌బ‌స్ట‌ర్ ని అందించిన శక్తికాంత్ కార్తిక్ మా చిత్రానికి మ్యూజిక్ అందిస్తున్నారు. రోమాంటిక్ ఎంట‌ర్‌టైన‌ర్ గా తెర‌కెక్కిన‌ ఈ చిత్రం ప్ర‌స్తుతం షూటింగ్ పూర్తిచేసుకుని పొస్ట్‌ప్రోడ‌క్ష‌న్‌లో బిజీగా వుంది.

ద‌ర్శ‌కుడు ల‌క్ష్మ‌ణ్ కార్య పెళ్ళి కుదిరిన రోజు నుండి పెళ్ళి జ‌రిగేరోజు వ‌ర‌కూ మ‌ద్య‌లో రెండు కుటుంబాల మ‌ద్య‌, రెండు మ‌న‌సుల మ‌ధ్య ఏం జ‌రుగుతుంద‌నే విష‌యాన్ని చాలా అందంగా తెర‌కెక్కించాడు. ప్ర‌తి ఓక్క‌రి జీవితంలో ఇలాంటి అనుభ‌వం జ‌రిగివుంటుంది. ప్ర‌తిప్రేక్ష‌కుడ్ని ఈ పాత్ర‌లో త‌మ‌నితాము చూసుకునేలా పాత్ర‌ల్లో ప్రేక్ష‌కులు లీన‌మ‌య్యేలా ప్ర‌తి పాత్ర తీర్చిదిద్దాము. ఈ స‌మ్మ‌ర్‌కి పెర్‌ఫెక్ట్ ఫ్యామిలి అండ్ రోమాంటిక్ ఎంట‌ర్‌టైన‌ర్‌గా ప్రేక్ష‌కుల్ని అల‌రిస్తుంది. ఫిబ్ర‌వ‌రి 14న ఈ చిత్రం సంబంధించిన మొద‌టి లుక్ ని విడుద‌ల చేస్తాము .. అని అన్నారు..

న‌టీన‌టులు.. సుమంత్ అశ్విన్‌, నిహ‌రిక‌, న‌రేష్, ముర‌ళి శ‌ర్మ‌, ప‌విత్ర లోకేష్, తుల‌సి, ఇంద్ర‌జ‌, మ‌ధుమ‌ణి త‌దిత‌రులు..సాంకేతిక నిపుణులు.. యువి క్రియోష‌న్స్ స‌మ‌ర్ప‌ణ‌లో కెమెరా.. బాల రెడ్డి, మ్యూజిక్.. శ‌క్తికాంత్ కార్తిక్‌, నిర్మాత‌.. పాకెట్ సినిమా, ద‌ర్శ‌క‌త్వం.. ల‌క్ష్మ‌ణ్ కార్య‌,