సంక్రాంతి కానుకగా పవర్ స్టార్ పవన్ కల్యాణ్ అజ్ఞాతవాసితో రాగా నందమూరి నటసింహం బాలయ్య జై సింహాతో ఫ్యాన్స్‌ను సందడి చేశారు. తాజాగా మరో ఇంట్రెస్టింగ్‌ పోరుకు టాలీవుడ్ సిద్దమైంది. రామ్ చరణ్ రంగస్ధలం సినిమాకు పోటీగా నందమూరి కల్యాణ్ రామ్ ఎమ్మెల్యే మూవీతో ప్రేక్షకుల ముందుకురానున్నాడు.
బాబాయ్ కోసం సంక్రాంతి వార్ నుంచి తప్పుకున్న రామ్ చరణ్ రంగస్ధలం మార్చి 30న విడుదల కానుంది. చరణ్-సుకుమార్‌ కాంబినేషన్‌లో తెరకెక్కిన సినిమా కావడంతో భారీ అంచనాలు నెలకొన్నాయి.ఈ సినిమాకి ఒక రోజు ముందుగా ‘మహానటి’ సినిమా రిలీజ్ ను ప్లాన్ చేశారు. ‘రంగస్థలం’ కంటెంట్ వేరు .. ‘మహానటి’ కాన్సెప్ట్ వేరు. అందువలన ఈ సినిమాల మధ్య పోటీ పెద్దగా ఉండదని అంతా అనుకున్నారు.
అయితే ఉపేంద్ర మాధవ్ దర్శకత్వంలో కల్యాణ్ రామ్ హీరోగా తెరకెక్కిన ఎమ్మెల్యే ఇదే నెలలో అంటే మార్చి 28వ తేదీన భారీ స్ధాయిలో విడుదల చేసేందుకు కసరత్తు చేస్తున్నారు. కల్యాణ్ రామ్ సరసన కథానాయికగా కాజల్ అలరించనుంది. అంటే మార్చిలో మరో ఆసక్తికర సంగ్రామం జరగనుండగా ఎవరు లాభాలను మూటగట్టుకుంటారో వేచిచూడాలి.
 directed by debutant Upendra Madhav is nearing completion and the team plans to release the film in March){kind=link}