నటసింహం నందమూరి బాలకృష్ణ కథానాయకుడిగా ప్రముఖ నిర్మాత సి.కళ్యాణ్ సి.కె.ఎంటర్ టైన్మెంట్స్ పతాకంపై కె.ఎస్.రవికుమార్ దర్శకత్వంలో నిర్మిస్తున యాక్షన్ ఎంటర్ టైనర్ “జై సింహా”. బాలకృష్ణ సరసన నయనతార, నాటాషా జోషీ, హరిప్రియలు కథానాయికలుగా నటిస్తున్న ఈ చిత్రం సంక్రాంతి కానుకగా జనవరి 12న ప్రేక్షకుల ముందుకురానుంది.
ఇప్పటికే టీజర్, ట్రైలర్‌లలో భారీ యాక్షన్ సీన్స్‌తో ఆకట్టుకున్న బాలయ్య మరోసారి మాస్ ఆడియన్స్‌ను ఆకట్టుకునే ప్రోమోను యూట్యూబ్‌లోకి వదిలాడు. బెదిరింపులు నా బాడీకి పడవు అంటూ తనదైన శైలిలో భారీ డైలాగ్‌లు పేల్చుతూ.. విలన్లను గాల్లోకి ఎగరేసి మరీ తన్నేయగా బాలయ్య డైలాగ్‌లకు అంతా ఫిదా అయ్యారు.
ఇక ఇటీవలె సెన్సార్ కార్యక్రమాలు పూర్తిచేసుకున్న ఈ సినిమా యూనిట్ ప్రమోషన్స్‌లో బిజీగా ఉంది. ఇవాళ హైద‌రాబాద్‌లో జరిగే ప్రీ రిలీజ్ ఫంక్ష‌న్‌కు బోయ‌పాటి, క్రిష్‌, తేజ… వీళ్లంతా ఈ వేడుక‌లో క‌నిపించే అవ‌కాశం ఉంది. రాత్రి 8 గంటలకు ప్రీ రిలీజ్ ట్రైలర్‌ను విడుదల చేయనున్నారు. సినిమా విడుదల రోజు బాలయ్య తిరుమల శ్రీవారిని దర్శించుకోనున్నారు.
