వివాదాలకు కేరాఫ్‌ దర్శకుడు రామ్ గోపాల్ వర్మ.ఆయన మాట మీద నిలిచే రకం కాదు. ఒక ఇంటర్వ్యూలో మొదట ఒక మాట చెప్పి.. చివరికి వచ్చేసరికి దానికి భిన్నంగా ఓ మాట చెప్పి.. అదేంటని అడిగితే ఇందాక చెప్పింది మీరు నమ్మేశారా అని అడిగిన వ్యక్తి వర్మ. అందుకే వర్మ చెప్పే చాలా విషయాల్ని జనాలు నమ్మరు. కొంతకాలం క్రితం ట్విట్టర్ అకౌంట్‌ను క్లోజ్ చేసిన వర్మ కొంతమందికి కాస్త రిలీఫ్ ఇచ్చాడు.
కానీ తాజాగా మరోసారి ట్విట్టర్‌లోకి అడుగుపెట్టాడు. ట్విట్టర్ వేదికగా పవన్,మెగా ఫ్యామిలీపై విమర్శలు సందించిన ఆర్జీవీ ఇకపై పవన్‌ను విమర్శించను అంటూ ట్విట్టర్ నుంచి వెళ్లిపోగా ఈ సారి మాత్రం అదే పవన్ కారణం చూపుతు ట్విట్టర్‌లోకి వచ్చేశాడు.
పవన్ కళ్యాణ్ అజ్ఞాతవాసిని చూసి ప్రేరణ పొంది మళ్లీ ట్విట్టర్ లోకి వచ్చానంటూ కామెంట్ పెట్టాడు. వర్మ ట్వీట్ ఒక్కసారిగా నెటిజన్స్ ని అలర్ట్ చేసింది. కొందరు వర్మ రీ ఎంట్రీని హ్యపీగా స్వాగతిస్తుంటే, మరి కొందరు మాత్రం కాస్త చిరాకుగా ఉన్నట్టు తెలుస్తుంది. ఇక ట్విట్టర్ లోకి రీ ఎంట్రీ ఇచ్చిన వర్మ ప్రస్తుతం ట్వీట్ల వర్షం కురిపిస్తూనే ఉన్నాడు. రజినీకాంత్ పొలిటికల్ ఎంట్రీ గురించి ఓ కామెంట్ పెట్టాడు. రజనీకాంత్ తన రాజకీయ అరంగేట్రం గురించి ప్రకటిస్తున్నప్పుడు చాలా పవర్ కనిపించిందని, అంత పవర్ తాను ఎప్పుడూ చూడలేదు అని వర్మ ట్వీట్ పెట్టాడు. వర్మ ట్విట్టర్ ఎంట్రీతో ఇకపై ట్విట్టర్ మోత మోగాల్సిందే..
Twitter Ajnaatavaasam loki velina nenu p k ajnaatavaasi tho inspire ayyi malli vachcha pic.twitter.com/nzjjDcHw5B
— Ram Gopal Varma (@RGVzoomin) January 2, 2018
