ప్ర‌పంచ‌వ్యాప్తంగా 5700ల థియేట‌ర్ల‌లో విడుద‌లైన సల్మాన్ ఖాన్ ‘టైగ‌ర్ జిందా హై’ … మొద‌టి రోజు క‌లెక్ష‌న్ల విష‌యంలో ‘బాహుబ‌లి 2’ రికార్డును తిర‌గ‌రాస్తుంద‌ని ఫ్యాన్స్‌ అనుకున్నారు. ఈ సినిమా ప్రేక్ష‌కుల‌ను ఆక‌ట్టుకున్న‌ప్ప‌టికీ అనుకున్న స్థాయిలో రికార్డులు మాత్రం బ‌ద్ద‌లుకొట్టలేకపోయింది. కేవ‌లం రూ. 33.75 కోట్లు విడుద‌ల చేసి, రెండో స్థానంతో స‌రిపెట్టుకుంది.
బాహుబ‌లి 2 హిందీ వెర్ష‌న్ మొద‌టిరోజున రూ. 41 కోట్లు వ‌సూలు చేసింది. ఈ ఏడాది అతి ఎక్కువ ఓపెనింగ్ క‌లెక్ష‌న్లు సాధించిన టాప్ 5 చిత్రాల జాబితాను బాలీవుడ్ ట్రేడ్ విశ్లేష‌కుడు త‌ర‌ణ్ ఆద‌ర్శ్ ట్వీట్ చేశారు. ఆయ‌న లెక్క ప్ర‌కారం టాప్ 5లో సల్మాన్ చిత్రాలు రెండు ఉన్నాయి.
మూడో స్థానంలో ‘గోల్‌మాల్ అగైన్’ (రూ. 30.14 కోట్లు) ఉండ‌గా నాలుగో స్థానంలో సల్మాన్ చిత్రం ‘ట్యూబ్‌లైట్’ (రూ. 21.15 కోట్లు) ఉంది. ఇక ఐదో స్థానంలో షారుక్‌ఖాన్ ‘రాయిస్’ (రూ. 20.42 కోట్లు) చిత్రం ఉంది.
..
