‘ఫిదా తర్వాత నేను చేస్తున్న మంచి సినిమా’ ..

సూపర్‌స్టార్‌ రజనీకాంత్‌, గ్రేట్‌ డైరెక్టర్‌ శంకర్‌ కాంబినేషన్‌లో అత్యంత భారీ బడ్జెట్‌తో ‘2.0’ చిత్రాన్ని నిర్మిస్తున్న లైకా ప్రొడక్షన్స్‌ సంస్థ విజయ్‌ దర్శకత్వంలో నాగశౌర్య, సాయిపల్లవి జంటగా విభిన్నమైన కథతో ‘కణం’ చిత్రాన్ని నిర్మిస్తున్న విషయం తెలిసిందే. ”షూటింగ్‌ పూర్తయింది. ఇటీవల విడుదల చేసిన ఫస్ట్‌ లుక్‌కి చాలా మంచి రెస్పాన్స్‌ వస్తోంది. ఫిబ్రవరి 9న ప్రపంచవ్యాప్తంగా ఈ చిత్రాన్ని విడుదల చేస్తున్నాం” అని లైకా ప్రొడక్షన్స్‌వారు తెలిపారు.

హీరో నాగశౌర్య మాట్లాడుతూ – ”లైకా ప్రొడక్షన్స్‌ వంటి పెద్ద బేనర్‌లో సినిమా చేయడం చాలా హ్యాపీగా వుంది. చాలా డిఫరెంట్‌గా వుండే సబ్జెక్ట్‌ ఇది. విజయ్‌ చాలా ఎక్స్‌ట్రార్డినరీగా తీశారు” అన్నారు. హీరోయిన్‌ సాయిపల్లవి మాట్లాడుతూ ”ఫిదా తర్వాత చేస్తున్న మరో మంచి సినిమా ఇది. తప్పకుండా ఈ సినిమా ప్రతి ఒక్కరికీ నచ్చుతుంది” అన్నారు. నాగశౌర్య, సాయిపల్లవి, ప్రియదర్శి ముఖ్యపాత్రలు పోషిస్తున్న ఈ చిత్రానికి విజయ్‌ దర్శకత్వం వహిస్తున్నాడు.

..