అప్పట్లో టాలీవుడ్ మోస్ట్ సక్సెస్ ఫుల్ హీరోగా గుర్తింపు తెచ్చుకున్నాడు సూపర్ స్టార్ కృష్ణ. తరువాత తన కుమారుడు మహేశ్ బాబు హీరోగా దూసుకుపోతున్నాడు. అయితే కృష్ణ కూతురు,మహేష్ సోదరి మంజుల గురించి చాలా మందికి తెలుసు. మొదట్లో హీరోయిన్ కావాలనుకున్న ఆమె, కొన్ని కారణాల వలన ఆ దారిలో ప్రయాణం చేయలేకపోయారు. ఆ తరువాత ఆమె అభిరుచి కలిగిన దర్శక నిర్మాతగా పేరు తెచ్చుకోవడానికి ప్రయత్నం చేస్తూ వస్తున్నారు. మంచి కథానాయికగా పేరు తెచ్చుకునే అవకాశం అప్పట్లో తనకి లేకపోవడంతో, తన కూతురు జాన్వీ ద్వారా ఆ కలను నిజం చేసుకోవాలనే పట్టుదలతో ఆమె వున్నారు. అయితే తన కూతురిని హీరోయిన్ గా తెలుగు తెరకు పరిచయం చేయాలనుకుంటుందట.
ప్రస్తుతం మంజుల దర్శకత్వంలో తెరకెక్కుతున్న ‘ఒక లవ్ స్టోరీ’లో ఒక క్యారెక్టర్‌ని తన కూతురితో చేయించనున్నారట. ఆ సినిమాలో సందీప్ కిషన్ హీరోగా నటిస్తున్నాడు. రీసెంట్ గా షూటింగ్ స్పాట్‌లో సందీప్ పక్కనే కనిపించి ఇంప్రెస్ చేస్తోంది. ”తనను ఎప్పుడు షూట్ లోకి రానివ్వలేదు. అందుకే మొదటి సారి తను షూటింగ్ లోకి రాగానే నర్వస్ గా అనిపించింది. కానీ మొదటి సీన్ షూట్ చేసిన తర్వాత తనపై నాకు నమ్మకం పెరిగింది. తను చైల్డ్ ఆర్టిస్ట్ గా చేసినప్పటి మహేష్ ను గుర్తు చేస్తోంది” అంటూ చెప్పింది మంజుల. ఈ సినిమా తరువాత మహేష్ మేనకోడలు మరి హీరోయిన్ గా తెరంగేట్రం చేస్తుందని సమాచారం.
