మెగా పవర్‌స్టార్ రామ్ చరణ్ తేజ, సమంత హీరోహీరోయిన్లుగా సుకుమార్ దర్శకత్వంలో తెరకెక్కుతున్న లవ్ ఎంటర్టైనర్ మూవీ ‘రంగస్థలం’. ఈ సినిమా షూటింగ్ చివరి దశకు చేరుకుంది. ఇటీవల కోనసీమలోని పలు ప్రాంతాల్లో షూటింగ్ జరుపుకున్న ఈ చిత్రం తాజాగా హైదరాబాద్ పరిసర ప్రాంతాల్లో వేసిన పల్లెటూరు సెట్‌లో కీలక సన్నివేశాలను తెరకెక్కించేందుకు రెడీ అయ్యాడు దర్శకుడు సుకుమార్.1980 నాటి కాలానికి సంబంధించిన కథ కావడంతో ప్రతి సన్నివేశాన్ని ఆ కాలానికి అనుగుణంగా ఉండేట్టు కాస్ట్యూమ్స్, అండ్ లొకేషన్స్‌లో జాగ్రత్తలు పాటిస్తోంది చిత్రయూనిట్. ఈ సెట్‌లో చెర్రీ-సామ్‌లపై పలు కీలక సన్నివేశాలను షూట్ చేసేందుకు సమంత కోసం వెయిట్ చేస్తున్నారు ‘రంగస్థలం’ టీం.
స్టార్ హీరో రామ్ చరణ్ లుక్ కూడా చాలా ప్రయోగాత్మకంగా ఉంది. సినిమాలో పూర్తిగా ఎలా కనిపిస్తాడా అని అందరు ఆతృతగా ఎదురు చూస్తున్నారు.మొన్న రామ్ చరణ్ ఆ సెట్ లోని కొన్ని పోటోలను సోషల్ మీడియా ద్వారా అభిమానులు చూపించిన సంగతి తెలిసిందే. అయితే ఇప్పుడు హీరోయిన్ సమంత కూడా తన ట్విట్టర్ అకౌంట్ ద్వారా మరొక ఫొటోని చూపించింది. సెట్ చాలా బావుంది. సింపుల్ అండ్ బ్యూటిఫుల్ అంటూ.. ఈ సినిమాలో తాను ఒక భాగం అయినందుకు చాలా సంతోషంగా ఉందని తెలిపింది. అయితే తన పెళ్ళి రిసెప్షన్ తరువాత సమంత సెట్స్ కు వస్తుందని అనుకుంటే.. ముందే వచ్చి అందరికీ షాకిచ్చిందనే చెప్పాలి. మైత్రి మూవీ మేకర్స్ బ్యానర్‌లో అత్యంత ప్రతిష్ఠాత్మకంగా తెరకెక్కుతున్న ఈ చిత్రానికి రాక్ స్టార్ దేవీశ్రీ ప్రసాద్ సంగీతాన్ని అందిస్తుండగా.. త్వరలో ఆడియో విడుదల చేసేందుకు ప్లాన్ చేస్తున్నారు.
