టాలీవుడ్‌లో చిన్న సినిమాలతో ట్రెండ్ సృష్టించిన దర్శకుడు మారుతి. మొదట్లో యూత్ ను .. మాస్ ఆడియన్స్ ను ఆకట్టుకునే కథలను తెరకెక్కిస్తూ వచ్చిన మారుతి, ఆ తర్వాత ఫ్యామిలీ ఆడియన్స్‌ను సైతం ఆకట్టుకున్నాడు. తర్వాత భలే భలే మగాడివోయ్,వెంకటేష్ హీరోగా బాబు బంగారంతో రూట్ మార్చి హిట్ కొట్టాడు. శర్వానంద్ హీరోగా మహానుభావుడుతో హ్యాట్రిక్ కొట్టిర మారుతి ప్రస్తుతం నాగ చైతన్యతో సినిమా చేస్తున్నాడు.
భలే భలే మగాడివోయ్,బాబు బంగారం,మహానుభావుడు అంటూ ఆకట్టకునే టైటిల్స్‌తో మంచిమార్కులు కొట్టేసిన మారుతి చైతూ సినిమా కోసం అలాంటి ఫార్ములానే ఫాలో అయ్యాడు. తొలుత మంచోడు అనే టైటిల్‌ని పరిశీలించిన మారుతి… కొన్నిమార్పులను చేసి శైలజారెడ్డి అల్లుడు అనే టైటిల్‌ని ఖరారు చేశాడట. సితార ఎంటర్టైన్మెంట్స్ బ్యానర్ పై నిర్మితమవుతోన్న ఈ సినిమాలో కథానాయికగా మేఘా ఆకాశ్ పేరు వినిపిస్తోంది.
ఇక ఈ సినిమాలో నాగచైతన్య అత్తగా అదే శైలజారెడ్డిగా కనిపించనుందట. నాగార్జునతో కలిసి చాలా సినిమాల్లో నటించిన రమ్యకృష్ణ…సోగ్గాడే చిన్నినాయనలో తననటనతో ఆకట్టుంది. ఇప్పుడు చైతూకు అత్తగా కనిపించబోతోంది.
