బాహుబలి సక్సెస్ తర్వాత కొంచెం గ్యాప్ తీసుకుని ప్రభాస్ తన కొత్త సినిమా స్టార్ట్ చేసేశాడు. ఆ సినిమానే సాహో. బాలీవుడ్ భామ శ్రద్ధా కపూర్ ఈ చిత్రంలో హీరోయిన్ కాగా.. రన్ రాజా రన్ ఫేమ్ సుజిత్ దర్శకత్వంలో ఈ సినిమా తెరకెక్కుతోంది.
అయితే ..దాదాపు 150 కోట్ల రూపాయలతో బహుభాషా చిత్రంగా ఇది తెరకెక్కుతోంది. ప్రభాస్ సరసన శ్రద్ధా కపూర్ నటిస్తోంది. ఈ సినిమాకి ఫైట్ మాస్టర్ ను హాలీవుడ్ నుంచి రప్పించారు. ఇక గ్రాఫిక్స్ కి కూడా భారీ మొత్తంలో ఖర్చు చేయనున్నట్టు చెబుతున్నారు. దాంతో ఈ సినిమా కథా నేపథ్యం ఏమిటనే ఆసక్తిని రేకెత్తిస్తోంది.
జ్యోతిష్య శాస్త్రాన్ని ఆధారంగా చేసుకుని ఈ కథ కొనసాగుతుంది. అటు ఆస్ట్రాలజీని .. ఇటు సైన్స్ ను లింక్ చేస్తూ ఈ కథ నడుస్తుందని చెబుతున్నారు. ఈ కంటెంట్ కొత్తగా .. ఇంట్రెస్టింగ్ గా అనిపించడంతోనే ప్రభాస్ రంగంలోకి దిగాడని అంటున్నారు.
ఆడియన్స్ కి కూడా ఈ కథ బాగా కనెక్ట్ అవుతుందనే ఉద్దేశంతో ఆయన వున్నాడని చెబుతున్నారు. భారీ తారాగణంతో బహుభాషా చిత్రంగా రూపొందుతుండటం వలన, అంచనాలు కూడా ఆ స్థాయిలోనే వున్నాయి.
