ప్రిన్స్ మ‌హేష్‌బాబు కెరీర్‌లోనే భారీ బ‌డ్జెట్‌తో తెరకెక్కిన స్పైడర్ సినిమా భారీ అంచ‌నాల మ‌ధ్య బుధవారం ప్రపంచ వ్యాప్తంగా విడుదలయింది. తెలుగు తమిళ భాషల్లో ద్విభాషా చిత్రంగా తెరకెక్కిన సినిమాకు మిక్స్డ్ టాక్ వ‌చ్చింది. అయితే భారీ అంచ‌నాల నేప‌థ్యంలో స్పైడర్ ఓపెనింగ్స్ మాత్రం అదిరిపోయాయి.
మహేష్ బాబు, రకుల్ ప్రీత్ సింగ్ జంటగా మురుగదాస్ దర్శకత్వంలో వచ్చిన ‘స్పైడర్’ మూవీ ప్రపంచ వ్యాప్తంగా తొలిరోజు రూ. 38 కోట్ల కలెక్షన్లను సాధించింది. ఓవర్సీస్ లో మహేష్ బాబుకు ఉన్న క్రేజ్ దీనికి కారణమని సినీ విశ్లేషకుడు ఉమైర్ సంధు తెలిపాడు.
మహేష్ బాబు కెరీర్లో ఓవర్సీస్ లో ఇప్పటి వరకు హయ్యెస్ట్ గ్రాసర్ గా ‘శ్రీమంతుడు’ నిలిచింది. ఆ సినిమా రికార్డును ‘స్పైడర్’ దాటుతుందా? లేదా? అనేది వేచి చూడాలి. మొత్తానికి ఈ సినిమాకి మిక్స్డ్ టాక్ వచ్చినా..వసూళ్ళలో మాత్రం స్పైడర్ మాంచి స్పీడ్‌మీదే ఉంది.
