తెలుగువారి ఆరాధ్యనటి సావిత్రి జీవితాన్ని వెండితెర పైకి తీసుకువచ్చే ప్రయత్నం జరుగుతున్న విషయం తెలిసిందే. అయితే సావిత్రి రీల్‌ లైఫ్‌లోనూ, రియల్‌ లైఫ్‌లోనూ ఎన్టీయార్‌, ఏఎన్నార్‌ల ప్రస్తావన తప్పకుండా ఉంటుంది. ఆమెతో వారికున్న బంధం అలాంటిది. ఆ దిగ్గజాలతో ఎన్నో సూపర్‌హిట్‌ చిత్రాల్లో నటించింది సావిత్రి.
అయితే ఈ బయోపిక్ లోనూ ఎన్టీయార్‌, ఏఎన్నార్‌ల పాత్రలు ఉంటాయట. ఈపాత్రల్లో ఆ దిగ్గజాల మనుమలు నటించే సూచనలు కనిపిస్తున్నాయి. ఎన్టీయార్‌ పాత్రలో నటించాల్సిందిగా జూనియర్‌ ఎన్టీయార్‌ను, ఏఎన్నార్‌ పాత్రలో నటించాల్సిందిగా నాగచైతన్యను చిత్ర నిర్మాత అశ్వనీదత్‌ అడిగారట.
ఈ హీరోలు కూడా నటించడానికి గ్రీన్ సిగ్నల్ ఇచ్చారట. ఈ చిత్రంలో నిత్యామినన్ సావిత్రి పాత్ర పోషించనుంది. అశ్వనీద్‌ నిర్మాణంలో నాగ్‌అశ్విన్‌ దర్శకుడిగా ఈ చిత్రం తెరకెక్కబోతుంది. మొత్తానికి ఎన్టీయార్‌, చైతూ కలిసి నటిస్తే ఈ సినిమాకు అదిరిపోయే క్రేజ్‌ రావడం మాత్రం ఖాయం.
