మెగా పవర్ స్టార్ రామ్ చరణ్ హీరోగా ప్రముఖ దర్శకుడు సుకుమార్ దర్శకత్వంలో రూపొందుతున్న చిత్రం ‘రంగస్థలం 1985’. చరణ్ సరసన సమంత హీరోయిన్‌గా నటిస్తున్న సంగతి తెలిసిందే. ఆ మధ్య షూటింగ్ స్పాట్‌ నుంచి ఓ ఫొటోని సమంత పోస్ట్ చేసింది. అందులో సమంత పాదాలు తప్ప, ఇంకేమీ కన్పించలేదు. ఇందులో, సమంత 80ల నాటి కాలంలో పల్లెటూరి అమ్మాయి ఎలా ఉంటుందో, సమంత అలా కన్పించబోతోంది. తాజాగా ఈ సినిమాకు సంబంధించిన మరో ఫోటో భయటకు వచ్చింది.
నింద నిజమైతే తప్పక దిద్దుకో
అబద్ధమైతే నవ్వేసి వూరుకో..#Rangasthalam1985 @MythriOfficial 🙏🏻❤️ pic.twitter.com/wME9BzsP4x— Anasuya Bharadwaj (@anusuyakhasba) September 4, 2017
ఈ సినిమాలో యాంకర్ అనసూయ కూడా నటిస్తోంది. ..ఈ చిత్రంలో ఓ కీలక పాత్రను పోషిస్తున్న అనసూయ, తన ట్విట్టర్ ఖాతా ద్వారా ఓ ఫొటోను పోస్ట్ చేసింది. ‘నింద నిజమైతే తప్పక దిద్దుకో.. అబద్ధమైతే నవ్వేసి వూరుకో..’ అనే క్యాప్షన్ తో ‘రంగస్థలం 1985’ సినిమాకు సంబంధించిన ఓ ఫొటోను యాంకర్ అనసూయ విడుదల చేసింది. కాళ్లకు గజ్జెలు, కాలి వేళ్లకు మెట్టెలతో కూర్చుని ఉన్న ఓ అమ్మాయి (ముఖం కనపడకుండా) ముందు ఓ కూజా ఉంది. ఈ సినిమాలో అనసూయ పాత్రకు సంబంధించిన స్టిల్లే ఈ ఫొటో అని అభిమానులు భావిస్తున్నారు. అనసూయ తన లుక్‌తోపాటు డైలాగ్‌ను కూడా లీక్ చేసిందా అంటూ చరణ్ ఫ్యాన్స్ కామెంట్లు పెడుతున్నారు.
కాగా, ఈ చిత్రం షూటింగ్ పనులు శరవేంగా జరుగుతున్నాయి. 2018 సంక్రాంతి పండగ కానుకగా ఈ సినిమాను విడుదల చేయాలని చిత్రయూనిట్ భావిస్తున్నట్టు సమాచారం.
