పవన్ కల్యాణ్- కీర్తి సురేశ్ జంటగా త్రివిక్రమ్ దర్శకత్వంలో రూపొందుతున్న చిత్రం షూటింగ్ శరవేగంగా జరుగుతోంది. పవన్ 25వ సినిమాగా తెరకెక్కుతున్న ఈ చిత్రానికి ఇంకా టైటిల్ ఖరారు కాలేదు. పవన్ బర్త్ డే సందర్భంగా ఫస్ట్ లుక్‌ని విడుదల చేసిన చిత్ర యూనిట్ మ్యూజికల్ సర్ ప్రైజ్ కూడా ఇచ్చింది.అయితే తాజాగా హైదరాబాద్ లో ఘాటింగ్ జరుపుకుంటున్న ఈ సినిమాలో ఓ సన్నివేశంలో పవన్, కీర్తి సురేష్ కలిసి ఉన్న ఓ ఫొటోను చిత్ర యూనిట్ విడుదల చేసింది. చిత్ర నిర్మాత రాధాకృష్ణ ఈ ఫొటోను విడుదల చేశారు. పవన్ ఫ్యాన్స్‌కు ఇది ఫుల్ కిక్కివ్వడం ఖాయం అంటున్నారు.
ఈ సినిమాలో పవన్ ఓ ఐటీ నిపుణుడి పాత్రలో నటిస్తున్నట్టు తెలుస్తోంది. ఈ సినిమాను సంక్రాంతి కానుక‌గా 2018 జ‌న‌వ‌రి 10 ప్రేక్షకుల ముందుకు తీసుకురానున్నారు. కాగా, ఈ చిత్రంలో పవన్ సరసన కీర్తి సురేశ్, అనూ ఇమ్మాన్యుయేల్ హీరోయిన్లుగా నటిస్తున్నారు. లవ్, రొమాన్స్, సెంటిమెంట్, కామెడీతో పాటు యాక్షన్ సీన్లు ఉండనున్న ఈ చిత్రానికి అనిరుథ్ సంగీతం అందిస్తున్నారు. హారికా అండ్ హాసినీ క్రియేషన్స్ బ్యానర్ పై నిర్మిస్తున్న ఈ చిత్రానికి ‘అజ్ఞాతవాసి’ అనే టైటిల్ ను పరిశీలిస్తున్నట్లు ఫిల్మ్ నగర్ వర్గాల సమాచారం.
