టాలీవుడ్ లో ‘అర్జున్ రెడ్డి’ సినిమా సెన్సేషనల్ హిట్ అయింది. రెండో వీకెండ్ లో ఈ చిత్రం కలెక్షన్స్ లో కొత్త రికార్డ్ సెట్ చేసే మాదిరిగానే కనిపిస్తోంది. మూవీలో కంటెంట్ స్ట్రాంగ్ గా ఉండడం.. మౌత్ టాక్ కూడా బాగుండడానికి తోడు.. కొత్త కొత్త వివాదాలు వసూళ్లు మరింతగా పెరిగేందుకు హెల్ప్ అవుతున్నాయి.
అయితే అర్జున్ రెడ్డిని ఇతర భాషల్లో నిర్మించేందుకు ఇప్పటికే బోలెడంత పోటీ ఉందనే సంగతి తెలుస్తూనే ఉంది. ఇప్పటివరకూ సౌత్ లోనే కాదు.. బహుశా ఇండియన్ స్క్రీన్ పైనే చూడనటువంటి కొత్త తరహా హీరో కేరక్టరైజేషన్ కావడంతోనే ఇంతటి పోటీ అని చెప్పవచ్చు. అలాగే సినిమా కూడా కుర్రాళ్లను ఆకట్టుకునే కంటెంట్ కావడంతో ఈ పోటీ మరింతగా ఎక్కువగా ఉంది. ఇప్పుడు అర్జున్ రెడ్డిని తమిళ్ లో రీమేక్ చేసేందుకు గాను రైట్స్ సేల్ చేశారని తెలుస్తోంది. తమిళ్ హీరో ధనుష్ కు చెందిన వండర్ బార్ ఫిలిమ్స్.. అర్జున్ రెడ్డి తమిళ హక్కులను సొంతం చేసుకుంటున్నట్లు తెలుస్తోంది.
అయితే, అర్జున్ రెడ్డి క్యారెక్టర్ ను ధనుష్ చేస్తాడా? లేక మరెవరైనా పోషిస్తారా? అనే విషయం మాత్రం ఇంకా వెల్లడి కాలేదు. తెలుగు రాష్ట్రాల్లోనే కాకుండా ఓవర్సీస్ లో కూడా అర్జున్ రెడ్డి దుమ్ము దులుపుతున్నాడు. ఇప్పటికే ఈ సినిమా మిలియన్ మార్క్ ను దాటేసింది. మరోవైపు, ఈ సినిమాపై సూపర్ స్టార్ మహేష్ బాబు, దర్శక దిగ్గజం రాజమౌళిలాంటి వారు ప్రశంసలు కురిపించారు.
