కోలీవుడ్ నటుడు, నడిగర్ సంఘం ప్రధాన కార్యదర్శి, తమిళ నిర్మాతల సంక్షేమ సంఘం అధ్యక్షుడు విశాల్ బర్త్ డే ఈ రోజు. కోలీవుడ్ లో విశాల్ అభిమానులు ఈ హీరో బర్త్ డే సందర్భంగా అన్నదానాలు, రక్తదానాలు చేస్తున్నారు. ఈయన పేరుతో ఆలయాలలో అర్చనలు కూడా చేస్తున్నారు. ఇటీవల తన చెల్లెలి పెళ్ళి వేడుకలతో బిజీగా ఉన్న విశాల్ ఈ రోజు తన పుట్టిన రోజు సెలబ్రేషన్స్ తో క్షణం తీరిక లేకుండా గడపనున్నట్టు సమాచారం.
అయితే కోలీవుడ్‌లో విశాల్ మొదటి నుంచి కూడా మాస్ ఆడియన్స్ కి నచ్చే కథాంశాలను ఎంచుకుంటూ .. తనదైన ప్రత్యేకతను చాటుకుంటూ వస్తున్నారు. ఎన్నో విభిన్నమైన .. విలక్షణమైన పాత్రలతో అభిమానులను మెప్పించిన ఆయన, ఈ రోజున పుట్టినరోజు వేడుకను జరుపుకుంటున్నారు.
ఈ సందర్భాన్ని పురస్కరించుకుని, సంగీత దర్శకుడు ఇషాన్ దేవ్ .. విశాల్‌కి ట్రిబ్యూట్ గా విశాల్ యాంథమ్ అనే సాంగ్ ను రూపొందించి, సోషల్ మీడియా ద్వారా రిలీజ్ చేశారు. మురుగన్ మణిరత్నం రాసిన ఈ పాటను నిఖిల్ .. ఇషాన్ దేవ్ కలిసి ఆలపించారు. ఇప్పుడు ఈ సాంగ్ విశాల్ అభిమానులను ఒక రేంజ్ లో ఆకట్టుకుంటోంది. ప్రస్తుతం విశాల్ ‘తుప్పరివాలన్’ మూవీ చేస్తోన్న సంగతి తెలిసిందే.
