ధన్సిక వయ్యారి వాలుజడ అంత పొడుగా..?

‘కబాలి’ చిత్రంలో సూపర్‌స్టార్‌ రజనీకాంత్‌ కుమార్తె గా నటించిన ధన్సిక ఈ మూవీ తో తెలుగు ప్రేక్షకులను బాగా ఆకట్టుకుంది. ప్ర‌స్తుతం వాలుజ‌డ అనే చిత్రంతో పాటు సోలో అనే చిత్రం చేస్తుంది. వాలుజ‌డ చిత్రం ర‌మ‌ణ మ‌ల్లం ద‌ర్శ‌క‌త్వంలో తెర‌కెక్కుతుండ‌గా ఇందులో నివిన్ పౌలీ క‌థానాయ‌కుడిగా న‌టిస్తున్నాడు. తాజాగా ఈ చిత్ర ఫ‌స్ట్ లుక్‌ని కాజ‌ల్ చేతుల మీదుగా విడుద‌ల చేయించారు.

సింహ వాహిని చలన చిత్రం, సాయి వైభవి స్టూడియోస్‌ సంస్థలు సంయుక్తంగా నిర్మిస్తున్నాయి. తెలుగు, తమిళ భాషల్లో చిత్రాన్ని రూపొందిస్తున్నారు. రాధన్‌ స్వరాలు సమకూరుస్తున్నారు. వాలుజ‌డ ఫ‌స్ట్ లుక్ కి విశేష స్పంద‌న వ‌స్తుండ‌గా త్వ‌ర‌లోనే టీజ‌ర్ రిలీజ్ చేయాల‌ని భావిస్తున్నారు.  మరి ఈ వాలుజడ తో ధన్సిక ఎలా ఆకట్టుకుంటుందో చూడాలి.