మురుగదాస్ దర్శకత్వంలో మహేష్ బాబు-రకుల్ ప్రీత్ సింగ్ జంటగా తెరకెక్కుతున్న చిత్రం ‘స్పైడర్’. మహేష్ అభిమానులంతా ఎంతో ఆతృతగా ఎదురుచూస్తున్న ఈ సినిమా ఈ దసరాకి థియేటర్లలో సందడి చేసేందుకు సిద్ధమవుతోంది. ప్రస్తుతం పాటల చిత్రీకరణలో ఉందీ చిత్రం.ఒక్క సాంగ్ మిన‌హా షూటింగ్ అంతా పూర్తి చేసుకున్న‌ట్టు తెలుస్తుంది. రీసెంట్‌గా ఆ సాంగ్‌ని యూరోపీయ‌న్ కంట్రీలోని రొమానియాలో తెర‌కెక్కిస్తున్నారు.
ఈ సాంగ్‌కి సంబంధించిన మహేష్, రకుల్ ప్రీత్ సింగ్ ఫోటో ఒక‌టి సోషల్ మీడియాలో వైర‌ల్‌గా మారింది. ఇందులో మహేష్ స్టైలిష్ అండ్ స్మార్ట్‌గా క‌నిపిస్తుండ‌గా, రకుల్ హాట్‌గా క‌నిపిస్తుంది. తెలుగు,తమిళ భాషల్లో ఏకకాలంలో తెరకెక్కుతున్న ఈ చిత్రంపై బాగా ఆశలు పెట్టుకుందట రకుల్ ప్రీత్ సింగ్. ఈ మూవీకి హ‌రీష్ జైరాజ్ సంగీతం అందిస్తున్నాడు. బైలింగ్యువ‌ల్ మూవీగా రూపొందిన ఈ చిత్రాన్ని గ‌ల్ఫ్ దేశాల‌లోను విడుద‌ల చేసేందుకు స‌న్నాహాలు చేస్తున్నారు. ఈ మూవీలో ఎస్‌జే సూర్య విలన్ గా నటిస్తున్నాడు.
