ఆకాష్ సహదేవ్, మిస్తి చక్రవర్తి జంటగా సీనియర్ నటి జయప్రద ప్రధాన పాత్రలో నటిస్తున్న శరభ మూవీ ఫస్ట్‌ లుక్‌ను మెగాస్టార్‌ చిరంజీవి చేతుల మీదుగా లాంచ్‌ చేశారు. ఎ.కె.యస్.ఎంటర్‌టైన్‌మెంట్ పతాకంపై అశ్వనీకుమార్ సహదేవ్ నిర్మిస్తున్న ఈ చిత్రానికి నరసింహరావు. ఎన్ దర్శకత్వం వహిస్తున్నారు. ఈ సందర్భంగా నిర్మాత చిత్ర విశేషాలు తెలియజేస్తూ సోషియో ఫాంటసీ కథాంశమిది. నరసింహస్వామివారి వృత్తాంతంలోని ఓ సంఘటన ఆధారంగా ఈ చిత్రాన్ని రూపొందిస్తున్నాం. సెప్టెంబర్‌లో చిత్రాన్ని విడుదల చేసేందుకు సన్నాహాలు చేస్తున్నాం అన్నారు.
దర్శకుడు మాట్లాడుతూ.. వినూత్నమైన సోషియా ఫాంటసీ కాన్సెప్ట్‌తో ఈ చిత్రాన్ని తెరకెక్కించబోతున్నాం. కోటి సంగీతాన్నందిస్తున్న ఈ సినిమాలో ఆరు పాటలుంటాయి అని చెప్పారు. నెపోలియన్, నాజర్, షాయాజీషిండే, పునీత్ ఇస్సార్, చరణ్‌దీప్, ఎల్.బి.శ్రీరాం, పృథ్వీరాజ్, తనికెళ్ల భరణి, రఘుబాబు, జబర్దస్త్ రాజేష్ తదితరులు నటిస్తున్న ఈ చిత్రానికి మాటలు: సాయిమాధవ్ బుర్రా, సినిమాటోగ్రఫీ: రమణ సాల్వ, సంగీతం: కోటి, ఆర్ట్: కిరణ్‌కుమార్, ఎడిటింగ్: కోటగిరి వెంకటేశ్వరరావు, సహనిర్మాత: సురేష్ కపాడియా, కథ, స్క్రీన్‌ప్లే, దర్శకత్వం: ఎన్.నరసింహారావు.
