నందమూరి బాలకృష్ణ హీరోగా పూరి జగన్నాథ్‌ దర్శకత్వంలో భవ్య క్రియేషన్స్‌ పతాకంపై వి. ఆనందప్రసాద్‌ నిర్మిస్తున్న సినిమా పైసా వసూల్. ఇటీవల విడుదలైన ఈ సినిమా ట్రైలర్‌కు ప్రేక్షకుల నుంచి మంచి స్పందన వస్తోంది. దీంతో అభిమానులు ఫుల్‌ ఖుషీగా ఉన్నారు. సెప్టెంబర్ 1న విడుదల కానున్న ఈ సినిమాకి కొత్త రకం ప్ర‌మోష‌న్స్ మొద‌లు పెట్టారు మేక‌ర్స్. మొన్నామ‌ధ్య స్టంపర్ అంటూ టీజ‌ర్ విడుదల చేసిన టీం ఆడియో వేడుక‌లో ట్రైలర్ రిలీజ్ చేసి మూవీపై భారీ ఆస‌క్తిని క‌లిగించారు.
ఇక నిన్న క‌న్ను క‌న్ను అంటూ శ్రేయ, బాల‌య్య‌ల మ‌ధ్య సాగే రొమాంటిక్ సాంగ్ ప్రోమోని విడుదల చేసిన టీం తాజాగా చిత్ర టైటిల్ సాంగ్ ప్రోమో ని రిలీజ్ చేశారు. మామా ఏక్ పెగ్‌లా అంటూ సాగే పాట బాలయ్య ఫ్యాన్స్ కి మాంచి కిక్ ఇస్తుంది. బాలయ్యే స్వ‌యంగా ఈ పాట పాడ‌డంతో అభిమానుల ఆనందానికి హ‌ద్దులు లేవు.
ఇక ‘పైసా వసూల్’ ట్రైలర్ చూస్తే మొత్తం నందమూరి బాలకృష్ణే కనిపించాడు. ఆరంభం నుంచి చివరి దాకా బాలయ్యే హైలైట్ అయ్యాడు. బాలయ్య ఎనర్జీ.. ఆయన డైలాగులు ట్రైలర్ కు ప్రత్యేక ఆకర్షణగా నిలిచాయి. అంతకుముందు వచ్చిన స్టంపర్‌లో సైతం బాలయ్య విశ్వరూపమే కనిపించింది. బాలయ్య నెవర్ బిఫోర్ అవతారంలో.. క్యారెక్టర్లో కనిపిస్తున్న ‘పైసా వసూల్’ నందమూరి అభిమానులకు విందు భోజనమే అయ్యేలా కనిపిస్తోంది. అనూప్ రూబెన్స్ చిత్రానికి సంగీతం అందించ‌గా చిత్రంలో శ్రేయ, ముస్కాన్ క‌థానాయిక‌లుగా న‌టించారు. కైరాద‌త్ స్పెష‌ల్ సాంగ్ తో సంద‌డి చేయ‌నుంది.
. Directed by Puri Jagannadh, starring Nandamuri Balakrishna, Shriya Saran, Muskan Sethi and Kyra Dutt in lead roles.){kind=link}