కోలీవుడ్ సినీ పరిశ్రమలో అందాల బ్యూటీ అమలా పాల్ సంచలం రేపుతోంది. టాప్ దర్శకుడు విజయ్ తో విడాకుల తీసుకున్నాక అమలా పాల్ కోసం వరస అవకశాలు వస్తున్నాయి. అంతే కాదు అమ్మడు సైతం అందాల ఆరబోత డోస్‌ని బాగా పెంచేసింది. పెళ్లయ్యాక ఇంకేమి అందాలు ఉంటాయని అనుకున్నవారంతా అమ్మడిని చూసి షాక్ అవుతున్నారు. ప్రస్తుతం విఐపీ 2 చిత్రం తో త్వరలో తెలుగు , తమిళ్ ప్రేక్షకుల ముందుకు రాబోతున్న ఈ బ్యూటీ తాజాగా తిరుట్టుపయలే సీక్వెల్ లో నటిస్తుంది.
సుశీ గణేశన్‌ దర్శకత్వంలో జీవన్‌, మాళవిక, సోనియా అగర్వాల్‌, అబ్బాస్‌ నటించిన చిత్రం ‘తిరుట్టుపయలే’. దాదాపు 11 ఏళ్ల తర్వాత ఈ సినిమాకు సీక్వెల్ రూపుదిద్దుకుంటోంది. ఇందులో బాబిసింహా హీరోగా నటిస్తున్నారు. ప్రసన్న కీలకపాత్ర పోషిస్తున్నారు. అమలాపాల్‌ కథానాయిక. సుశీ గణేశన్‌ దర్శకత్వం వహిస్తున్నారు. జూన్‌ 24వ తేదీన చిత్ర టీజర్‌ను విడుదల చేశారు. ఇప్పటి వరకు దాన్ని 5 లక్షల మంది చూశారు. ఫస్ట్‌లుక్‌ను నటుడు విజయ్ సేతుపతి ఇటీవల విడుదల చేశారు. అక్టోబరులో సినిమాను విడుదల చేసేందుకు సన్నాహాలు చేస్తున్నారు.
తిరుట్టుపయలే…. అక్రమ సంబంధాలు, చిల్లర దొంగతనాలు అంటూ చర్చనీయాంశ సన్నివేశాలతో కూడిన ఈ చిత్రం అప్పట్లో మంచి విజయాన్ని సాధించింది. మరి దానికి సీక్వెల్‌గా తెరకెక్కుతున్న ఈ సినిమా ఎన్ని సంచలనాలు క్రియేట్ చేస్తుందో చూడాలి.
