ఒకప్పుడు కుటుంబ కథా చిత్రాల హీరోగా ఓ వెలుగు వెలిగాడు జగపతి బాబు. ఫ్యామిలీ టైప్‌ సినిమాలతో పాటు మాస్‌ పాత్రలు కూడా జగ్గూభాయ్‌కి మంచి పేరును తీసుకొచ్చాయి. అయితే మారిన పరిస్థితుల నేపథ్యంలో ఆయన కొన్నాళ్లపాటు సినిమాలకు దూరమయ్యాడు. ఆ సమయంలో ఆర్థిక కష్టాలు కూడా వెంటాడాయి. అయితే బాలకృష్ణ హీరోగా వచ్చిన ‘లెజెండ్‌’ సినిమా ఆయన దిశను మార్చేసింది. రజనీకాంత్‌, మోహన్‌లాల్‌ వంటి హీరోలతో కలిసి నటించే అవకాశాల్ని తీసుకొచ్చింది.
ప్రస్తుతం వరుస సినిమాలతో బిజీ బిజీగా ఉన్నాడు జగ్గుభాయ్. తన రీసెంట్ సినిమా ఎక్స్ పీరియన్స్ గురించి ఆసక్తికరమైన విషయాన్ని వెల్లడించాడు.బోయపాటి శ్రీను దర్శకత్వంలో బెల్లంకొండ సాయి శ్రీనివాస్ హీరోగా తెరకెక్కిన సినిమా జయ జానకి నాయక. ఫ్యామిలీ యాక్షన్ డ్రామాగా తెరకెక్కిన ఈ సినిమాలో జగపతిబాబు విలన్ గా నటిస్తున్నాడు.
అయితే ఈ సినిమాలో కీలకమైన ఓ సన్నివేశం కోసం బోయపాటి చెప్పిన ఎక్స్‌ప్రెషన్‌ను జగ్గుబాయ్ ఇవ్వలేకపోయాడట. మూడు రోజుల పాటు 20 టేకులు చేసినా.. అనుకున్న ఎక్స్ ప్రెషన్ రాకపోవటంతో డబ్బింగ్, ఎడిటింగ్ లలో ఆ సన్నివేశాన్ని ఎడ్జస్ట్ చేశారని తెలిపాడు. ప్రస్తుతం ఆ సీన్ ఎంటో చెప్పకపోయినా.. అదే డైలాగ్ ను సినిమా సక్సెస్ మీట్ లో ప్రేక్షకుల ముందుకు చెప్తానని తెలిపాడు.
