హీరో మోహన్ బాబు దాదాపు 2 ఏళ్ల తరువాత తాను నటించే కొత్త చిత్రాన్ని ప్రారంభించాడు. 2015 లో మామ మంచు అల్లుడు కంచు చిత్రంలో మోహన్ బాబు నటించారు. రెండేళ్ల గ్యాప్ తరువాత ఈ సీనియర్ హీరో నటించబోయే చిత్రం హైదరాబాద్ లో లాంచ్ చేశారు. ఈ సినిమాకి ‘గాయత్రి’ అనే టైటిల్ ను ఖరారు చేశారు. ఒక వైపున మంచు విష్ణు మరో వైపున మంచు మనోజ్ వరుస సినిమాలు చేస్తూ వెళుతున్నారు. ఈ నేపథ్యంలో కథానాయకుడిగా మోహన్ బాబు స్పీడ్ తగ్గించారు. అలా కొంత గ్యాప్ తరువాత కథానాయకుడిగా మళ్లీ రంగంలోకి దిగారు.
ఈ సినిమా మదన్ దర్శకత్వంలో మోహన్ బాబు సొంత బ్యానర్ పై ఈ నిర్మితమవుతోంది. ఆయన మనవరాళ్లు అరియానా – వివియానా ముహూర్తపు సన్నివేశానికి క్లాప్ కొట్టారు. మంచు లక్ష్మి కూతురు విద్యా నిర్వాణ కెమెరా స్విచ్చాన్ చేసింది. తొలి సన్నివేశానికి మదన్ దర్శకత్వం వహించాడు. ఇదొక విభిన్నమైన కథా చిత్రమనీ అందుకే ఈ సినిమా చేయడానికి మోహన్ బాబు ఉత్సాహాన్ని చూపారని తెలుస్తోంది. ఈ సినిమాకి సంబంధించిన పూర్తి వివరాలు త్వరలో తెలియజేయనున్నారు.
