భవిష్యత్ మార్గదర్శకులు టీచర్స్‌!

ఇంటర్నేషనల్ క్రికెట్ కౌన్సిల్ (ICC) ఛైర్మన్ జై షా ఉపాధ్యాయుల దినోత్సవం సందర్భంగా శుభాకాంక్షలు తెలిపారు. ప్రజల ఆలోచనలను, తరాల భవిష్యత్తును తీర్చిదిద్దడంలో ఉపాధ్యాయులు మరియు గురువులు వహిస్తున్న పాత్రకు ఆయన కృతజ్ఞతలు తెలియజేశారు.

సోషల్ మీడియా ప్లాట్‌ఫారమ్ ‘X’ (ట్విట్టర్) వేదికగా జై షా స్పందిస్తూ… “ఉపాధ్యాయులు కేవలం జ్ఞానాన్ని మాత్రమే కాకుండా, జీవితంలో మనల్ని ముందుకు నడిపించే విలువలు, ఆత్మవిశ్వాసం మరియు కలలను తీర్చిదిద్దుతారు. ఈ ఉపాధ్యాయుల దినోత్సవం సందర్భంగా, తరతరాలకు స్ఫూర్తిగా నిలుస్తున్న ఉపాధ్యాయులకు మరియు మార్గదర్శకులకు హృదయపూర్వక ధన్యవాదాలు. ఉపాధ్యాయుల దినోత్సవ శుభాకాంక్షలు!” అని పేర్కొన్నారు.

భారత మాజీ రాష్ట్రపతి, ప్రముఖ తత్వవేత్త, గొప్ప ఉపాధ్యాయుడైన డాక్టర్ సర్వేపల్లి రాధాకృష్ణన్ జయంతిని పురస్కరించుకుని ప్రతి సంవత్సరం సెప్టెంబర్ 5న భారతదేశ వ్యాప్తంగా ఉపాధ్యాయుల దినోత్సవాన్ని జరుపుకుంటారు. విద్యా రంగం మరియు దేశ నిర్మాణంలో ఉపాధ్యాయులు అందిస్తున్న సేవలను గుర్తించడం, విద్యార్థుల ప్రతిభను వెలికితీసి వారిని మంచి పౌరులుగా తీర్చిదిద్దడంలో వారి పాత్రను గౌరవించడం ఈ రోజు ముఖ్య ఉద్దేశం.

Also Read:అభిషేక్ బర్త్‌డే..యువీ సర్‌ప్రైజ్