‘రంగస్థలం’ వంటి ఇండస్ట్రీ హిట్ తర్వాత గ్లోబల్ స్టార్ రామ్చరణ్, క్రియేటివ్ డైరెక్టర్ సుకుమార్ కాంబినేషన్లో మరో భారీ చిత్రం రానున్న సంగతి తెలిసిందే. ‘RC 17’ వర్కింగ్ టైటిల్తో అనౌన్స్ అయిన ఈ ప్రాజెక్ట్ కోసం మెగా అభిమానులు కళ్లల్లో వత్తులు వేసుకుని చూస్తున్నారు. ‘పుష్ప’ చిత్రంతో పాన్-ఇండియా స్థాయిని శాసించిన సుకుమార్.. చరణ్ కోసం అంతకుమించిన పవర్ఫుల్ స్క్రిప్ట్ను సిద్ధం చేస్తున్నారు. అయితే, ఈ సినిమా షూటింగ్ ప్రారంభంపై చిత్ర పరిశ్రమ వర్గాల నుండి సరికొత్త అప్డేట్ బయటకు వచ్చింది. ఈ ప్రాజెక్ట్ అధికారిక ముహూర్తం మరియు రెగ్యులర్ షూటింగ్ దసరా పండుగ తర్వాతే ప్రారంభం కానున్నట్లు తెలుస్తోంది.
సుకుమార్ సాధారణంగా తన స్క్రిప్ట్ వర్క్ విషయంలో చాలా జాగ్రత్తలు తీసుకుంటారు. ‘రంగస్థలం’ తర్వాత చరణ్తో వస్తున్న సినిమా కావడంతో ప్రేక్షకుల అంచనాలు ఆకాశాన్నంటుతున్నాయి. అందుకే కథలో ఎలాంటి లోపాలు లేకుండా, ప్రతి సీన్ అద్భుతంగా వచ్చేలా కథను మరింత బలంగా తీర్చిదిద్దేందుకు సుకుమార్ మరికొంత సమయం తీసుకుంటున్నట్లు సమాచారం.
ఇటీవల ‘పెద్ది’ (Peddi) సినిమా షూటింగ్ సమయంలో రామ్చరణ్ మణికట్టుకు గాయమైన సంగతి తెలిసిందే. ఈ గాయానికి ఆయన త్వరలోనే సర్జరీ చేయించుకోనున్నారు. సర్జరీ పూర్తయ్యాక కనీసం రెండు నుండి మూడు నెలల పాటు చరణ్ పూర్తిగా విశ్రాంతి తీసుకోవాల్సి ఉంటుంది. చరణ్ రెస్ట్ తీసుకునే ఈ గ్యాప్ను సుకుమార్ తన ప్రీ-ప్రొడక్షన్ పనుల కోసం పూర్తిగా వినియోగించనున్నారు. కథా చర్చల తుది ముగింపు, లొకేషన్ల వేట, ఇతర సాంకేతిక పనులన్నీ దసరా లోపు పూర్తి చేయాలని చిత్రబృందం ప్లాన్ చేస్తోంది. ఈ గ్యాప్ వల్ల అటు సుకుమార్కు స్క్రిప్ట్ను మరింత మెరుగుపరుచుకునే సమయం దొరుకుతుంది, ఇటు రామ్చరణ్ కూడా శారీరకంగా పూర్తిస్థాయిలో కోలుకుని సరికొత్త ఎనర్జీతో సెట్స్లో అడుగుపెట్టే అవకాశం లభిస్తుంది.
Also Read:‘మిస్టర్ మిడిల్ క్లాస్’..ఎంజాయ్ చేస్తారు!
మైత్రీ మూవీ మేకర్స్ అత్యంత ప్రతిష్టాత్మకంగా, భారీ బడ్జెట్తో నిర్మించనున్న ఈ క్రేజీ ప్రాజెక్ట్ ఆలస్యమైనా సరే, బాక్సాఫీస్ వద్ద మరోసారి సరికొత్త రికార్డులు సృష్టించడం ఖాయమని అభిమానులు ధీమా వ్యక్తం చేస్తున్నారు.