ఆంధ్రప్రదేశ్ రాష్ట్ర పారిశ్రామిక, ఆర్థిక అభివృద్ధిని అంతర్జాతీయ స్థాయికి తీసుకెళ్లే లక్ష్యంతో ఐటీ, ఎలక్ట్రానిక్స్ మరియు పరిశ్రమల శాఖ మంత్రి నారా లోకేష్ దక్షిణ కొరియాలో విస్తృతంగా పర్యటిస్తున్నారు. ఈ అధికారిక పర్యటనలో భాగంగా కొరియా రాజధాని సియోల్లో అంతర్జాతీయ స్థాయి ప్రముఖ సంస్థల ప్రతినిధులతో ఆయన వరుస సమావేశాలు నిర్వహిస్తున్నారు.
తన పర్యటనలో భాగంగా మంత్రి నారా లోకేష్ ప్రముఖ గ్లోబల్ కంపెనీ ‘హెడ్ డి కోస్’ గ్లోబల్ బిజినెస్ డైరెక్టర్ ‘క్వోన్ యంగ్హూన్’తో ప్రత్యేకంగా సమావేశమయ్యారు. ఈ సందర్భంగా ఆంధ్రప్రదేశ్లో పారిశ్రామిక రంగానికి ఉన్న అనుకూలతలు..ముఖ్యంగా సుదీర్ఘ తీరప్రాంతం కారణంగా లభిస్తున్న అపారమైన అవకాశాలను ఆయన వివరించారు.
ఆంధ్రప్రదేశ్లో సముద్ర రవాణా మరియు షిప్ బిల్డింగ్ (నౌకా నిర్మాణం) రంగాలలో పెట్టుబడులు పెట్టడానికి ఉన్న అద్భుతమైన వాతావరణాన్ని ఈ భేటీలో లోకేష్ ప్రత్యేకంగా ప్రస్తావించారు. రాష్ట్రంలో నౌకాశ్రయాల ఆధారిత పారిశ్రామిక అభివృద్ధి వేగంగా జరుగుతోందని, అందువల్ల ఈ రంగాలలో ‘హెడ్ డి కోస్’ సంస్థ పెట్టుబడులు పెట్టాలని ఆయన కోరారు. ఏపీలో పెట్టుబడులు పెట్టే సంస్థలకు పూర్తి పారదర్శకతతో కూడిన వేగవంతమైన అనుమతులు అందిస్తామని ఈ సందర్భంగా లోకేష్ హామీ ఇచ్చారు.
రాష్ట్రంలో ఉపాధి అవకాశాల కల్పన, అత్యాధునిక సాంకేతిక పరిజ్ఞానాన్ని పెంపొందించడమే లక్ష్యంగా కొరియన్ సంస్థలతో మరిన్ని భాగస్వామ్యాలు కుదుర్చుకునేందుకు ఆంధ్రప్రదేశ్ ప్రభుత్వం సిద్ధంగా ఉందని మంత్రి స్పష్టం చేశారు.ఈ పర్యటన ద్వారా రాబోయే రోజుల్లో ఆంధ్రప్రదేశ్కు ఎలక్ట్రానిక్స్, ఆటోమొబైల్ రంగాలతో పాటు సముద్ర మరియు నౌకా నిర్మాణ రంగాలలో కీలకమైన విదేశీ పెట్టుబడులు వచ్చే అవకాశం ఉందని పారిశ్రామిక వర్గాలు భావిస్తున్నాయి.
దక్షిణ కొరియా కంపెనీలతో నారా లోకేష్ సమావేశం అనే ఈ వీడియోలో మంత్రి నారా లోకేష్ దక్షిణ కొరియా పర్యటనలో భాగంగా అక్కడి ప్రతినిధులు మరియు కంపెనీలతో నిర్వహించిన రౌండ్ టేబుల్ సమావేశానికి సంబంధించిన మరిన్ని వివరాలను వీక్షించవచ్చు.
Also Read:కోహ్లీ రికార్డును సమం చేసిన సూర్య