నాన్న జ్ఞాపకాల్లో….నాగ్‌

వరి చేలలోనుండి, నాటకరంగం ద్వారా కళారంగంలోకి వచ్చిన వ్యక్తి. తెలుగు సినిమా తొలినాళ్ళ అగ్రనాయకులలో ఒకడు. ధర్మపత్ని సినిమాతో నటుడిగా కెరీర్‌ని ఆరంభించి దాదాపు 75 ఏళ్ల సుదీర్ఘమైన తన నటనా జీవితంలో 225కి పైగా సినిమాల్లో నటించిన బహుదూర బాటసారి మన అక్కినేని. ఇవాళ ఆయన పుట్టినరోజు సందర్భంగా తనయుడు నాగార్జున ఫేస్ బుక్ ద్వారా ఒక పోస్టు చేశారు.

 ‘ఈరోజు 93వ జయంతి, ఏఎన్ఆర్ ఎవర్ గ్రీన్ యంగ్ హీరోగా మన హృదయాల్లో ఎప్పటికీ నిలిచి ఉంటారు. ఈ సందర్భంగా ‘ప్రేమమ్’ ఆడియో రిలీజ్ కార్యక్రమాన్ని ఈ సాయంకాలం నిర్వహిస్తాం’ అని నాగ్ పేర్కొన్నారు. ఈ సందర్భంగా ‘ప్రేమమ్’ చిత్రం పోస్టర్ ను అభిమానులతో పంచుకున్నారు. ‘1924, సెప్టెంబర్ 20న.. ఇదే రోజున ఒక లెజెండ్ జన్మించారు. ఆయన జయంతి సందర్భంగా ఆ గొప్ప వ్యక్తిని గుర్తుచేసుకుందాం’ అంటూ అన్నపూర్ణా స్టూడియోస్ పేర్కొంది.