దేశవ్యాప్తంగా వంట గ్యాస్ మరియు కమర్షియల్ ఎల్పీజీ సిలిండర్ ధరలను కేంద్ర ప్రభుత్వం భారీగా పెంచింది. ఈ పెంపుతో సాధారణ ప్రజలపై మరోసారి ఆర్థిక భారం పడింది. కొత్త ధరలు నేటి నుంచే అమలులోకి వచ్చాయి.
14.2 కిలోల డొమెస్టిక్ ఎల్పీజీ సిలిండర్ ధరపై రూ.60 పెంపు చేశారు. అలాగే హోటళ్లు, రెస్టారెంట్లు, చిన్న వ్యాపారులు ఎక్కువగా ఉపయోగించే 19 కిలోల కమర్షియల్ సిలిండర్ ధరపై రూ.115 పెంచారు. ఈ పెంపుతో గ్యాస్ వినియోగదారులు ఆందోళన వ్యక్తం చేస్తున్నారు.
తాజా పెంపుతో హైదరాబాద్లో 14.2 కిలోల డొమెస్టిక్ గ్యాస్ సిలిండర్ ధర రూ.905 నుంచి రూ.965కు చేరింది. అలాగే 19 కిలోల కమర్షియల్ సిలిండర్ ధర రూ.1,961 నుంచి రూ.2,076కు పెరిగింది. గ్యాస్ ధరలు పెరగడంతో ముఖ్యంగా మధ్యతరగతి కుటుంబాలపై ప్రభావం పడనుంది.
Also Read:ఊబకాయంతో క్యాన్సర్ ముప్పు?
కమర్షియల్ సిలిండర్ ధర పెరగడం వల్ల హోటళ్లు, టిఫిన్ సెంటర్లు, రెస్టారెంట్లు వంటి వ్యాపారాల నిర్వహణ ఖర్చులు కూడా పెరగనున్నాయి. దీని ప్రభావం ఆహార పదార్థాల ధరలపై కూడా పడే అవకాశం ఉందని వ్యాపారులు చెబుతున్నారు.
ఇప్పటికే పెరిగిన నిత్యావసర వస్తువుల ధరలతో ఇబ్బంది పడుతున్న ప్రజలకు ఈ గ్యాస్ ధరల పెంపు మరో షాక్గా మారింది. ప్రభుత్వం ధరలను తగ్గించే దిశగా చర్యలు తీసుకోవాలని వినియోగదారులు కోరుతున్నారు.