తైవాన్కు చెందిన ఫాక్స్కాన్ సంస్థ ఆపిల్ పరికరాల తయారీలో కీలక కాంట్రాక్ట్ తయారీదారుగా ఉంది. తాజా ఐఫోన్ 17 సహా అనేక ఆపిల్ ఉత్పత్తులను ఫాక్స్కాన్ తయారు చేస్తోంది. చైనా నుంచి భారత్కు ఉత్పత్తిని క్రమంగా మార్చే ఆపిల్ వ్యూహంలో ఫాక్స్కాన్ ప్రధాన పాత్ర పోషించనుంది.
కాంగ్రెస్ ఎంపీ రాహుల్ గాంధీ ఈ వారం కర్ణాటక ప్రభుత్వాన్ని ప్రశంసించారు. బెంగళూరు సమీపంలోని ఫాక్స్కాన్ యూనిట్లో వేగంగా ఉద్యోగాల నియామకం జరగడాన్ని ప్రస్తావిస్తూ, భారత్లో ఇప్పటివరకు చూసిన అతి వేగవంతమైన ఫ్యాక్టరీ ర్యాంప్-అప్ ఇదేనని ఆయన పేర్కొన్నారు.
కేవలం ఎనిమిది–తొమ్మిది నెలల్లోనే దాదాపు 30 వేల మందిని ఉద్యోగాల్లోకి తీసుకోవడం, అందులో సుమారు 80 శాతం మంది మహిళలే ఉండటం విశేషమని రాహుల్ గాంధీ తెలిపారు. దీనిపై ‘ఎకనామిక్ టైమ్స్’ కథనానికి సంబంధించిన స్క్రీన్షాట్ను ఆయన సోమవారం ఫేస్బుక్లో పంచుకున్నారు.
కేవలం 8–9 నెలల్లో 30,000 ఉద్యోగాలు – భారత్లో ఇప్పటివరకు చూసిన అత్యంత వేగవంతమైన ఫ్యాక్టరీ విస్తరణ అని రాహుల్ గాంధీ రాశారు. ఇది కేవలం గణాంకం కాదని, మార్పు తీసుకొచ్చే ఉద్యోగ సృష్టి అని అన్నారు. ముఖ్యంగా ఈ యూనిట్లో సుమారు 80 శాతం మహిళలు, ఎక్కువగా 19–24 ఏళ్ల వయస్సువారే ఉండటం మరింత ప్రాధాన్యత కలిగిందని తెలిపారు. చాలా మందికి ఇదే తొలి ఉద్యోగమని చెప్పారు. ఇంతటి స్థాయిలో, ఇంతటి వేగంతో తయారీ రంగం ఎదగడానికి అనువైన వ్యవస్థను కర్ణాటక ఏర్పరుస్తోందని అన్నారు. గౌరవప్రదమైన ఉద్యోగాలు, అందరికీ అవకాశాలు కల్పించే భారత్నే మనం నిర్మించాలి అని రాహుల్ గాంధీ పేర్కొన్నారు.
Also Read:ఓటీటీలోకి ‘ఆంధ్ర కింగ్ తాలూకా’