ఇండస్ట్రీలోకి ఎంట్రీ ఇచ్చిన కొత్తలో గోవాబ్యూటీ ఇలియానా తన అందాలను బాగానే ఆరబోసింది. దేవదాసు సినిమాతో టాలీవుడ్‌ కి పరిచయమైన ఇలియాన..తక్కువ కాలంలోనే టాప్‌ పొజిషన్‌ కి చేరుకుంది. అయితే ఆ టాప్‌ పొజిషన్‌ ని వదులుకొని బాలీవుడ్‌ కి చెక్కేసింది ఈ భామ.. ప్రస్తుతం బాలీవుడ్‌ లో బిజీగా ఉంది. ఇలియానా నటించిన ‘ముబారక్‌’, ‘బాద్షాహో’ చిత్రాలు జులై, సెప్టెంబరు నెలల్లో ప్రేక్షకుల ముందుకు రానున్న సందర్భంగా ఓ ఇంటర్వ్యూలో తన తెలుగు సినిమా ఎంట్రీ గురించి చెప్పుకొచ్చింది.
15 ఏళ్ల నుంచి మోడలింగ్‌ ప్రారంభించానన్న ఇలియానా.. కొన్ని వాణిజ్య ప్రకటనల్లో నటించానని చెప్పింది. ఆ సమయంలోనే అనుకోకుండా తెలుగు సినిమాలో అవకాశం వచ్చిందని.. దర్శకుడు అమెరికాలో 45 రోజులు షూటింగ్‌ జరుగుతుందని చెప్పారు.. అప్పుడు 15 ఏళ్ల వయసు. అప్పుడే ఆ సినిమాకు సంతకం చేశానని… నిజం చెప్పాలంటే.. అమెరికా ఫ్రీగా చూడొచ్చని అప్పుడు అనుకున్నానని తెలిపింది. తాను నటించలేనని.. దర్శకుడితో చెప్పినప్పటికీ.. ఆయన తనపై నమ్మకంతో నటించేలా చేశారని తెలిపింది.
ఆ సమయంలో తనకు ఇంగ్లీష్‌ మాత్రమే వచ్చని.. తెలుగు, హిందీ అస్సలు రావనీ చెప్పింది ఇలియానా. సెట్లో ఇంగ్లీష్‌తో మేనేజ్ చేశానని.. కానీ ప్రేక్షకులకు తనను ఎలా రిసీవ్ చేసుకుంటారో అని.. అసలు నచ్చను అనుకున్నానని చెప్పింది. ‘దేవదాసు’ సినిమా విడుదల అయ్యాక, ప్రేక్షకుల స్పందన చూసేందుకు థియేటర్‌కు వెళ్లాం. నాపైన చెప్పులు విసురుతారు అనుకున్నా, కానీ ప్రేక్షకులకు నా నటన నచ్చిందని తెలిసి సర్‌ప్రైజ్‌ అయ్యా. ఈ సినిమా విడుదల కాకముందే మరో చిత్రానికి సంతకం చేశా.. తర్వాత మరొకటి ఇలా ఆ ప్రక్రియ కొనసాగుతూనే ఉంది. కెరీర్‌ను నేను ఎప్పుడూ ప్లాన్‌ చేసుకోలేదు’ అని చెప్పుకొచ్చింది గోవా బ్యూటీ.
ప్రస్తుతం అజయ్ దేవగణ్ హీరోగా బాద్షాహో సినమాలో ఇలియానా నటిస్తోంది. ఇటీవల అజయ్ దేవగణ్ లుక్‌ను బయటపెట్టిన బాద్షాహో టీం… లేటెస్ట్‌గా ఇలియానా లుక్‌ని కూడా భయటపెట్టింది. ఈ మూవీలో ఇల్లీ బేబీ డీగ్లామరస్ పాత్రలో కనిపించబోతోందని తెలుస్తోంది.
