జనతా గ్యారేజ్, మన్యంపులి, కనుపాప, మనమంతా చిత్రాలతో తెలుగు ప్రజలకు బాగా దగ్గరైన హీరో మలయాళ సూపర్ స్టార్ మోహన్ లాల్. తెలుగులో సినిమా సినిమాకు మార్కెట్‌ను పెంచుకుంటు పోతున్న ఈ స్టార్ హీరో త్వరలో రూ. వెయ్యి కోట్ల బడ్జెట్‌తో తెరకెక్కనున్న మహాభారతంలో కీలకపాత్ర పోషిస్తున్న సంగతి తెలిసిందే.
ఈ సినిమా కంటే ముందు మరో భారీ బడ్జెట్ మూవీకి కమిట్ అయ్యాడు మోహన్ లాల్. తెలుగు,తమిళ,హిందీ భాషల్లో సోషియో ఫాంటసీ సబ్జెక్ట్‌తో సుమారు 600 కోట్ల భారీ బడ్జెట్‌తో తెరకెక్కనున్న ‘ఓడియన్’లో నటించనున్నాడు. ఈ సినిమా కోసం మోహన్ లాల్ తెగ కష్టపడుతున్నాడట. తాజాగా ఈ చిత్రానికి సంబంధించిన ఫస్ట్ లుక్‌ను విడుదల చేసింది చిత్రయూనిట్.
తాజాగా రిలీజ్ అయిన ఈ ఫస్ట్ లుక్‌లో మోహన్ లాల్ గెటప్ ఆశ్చర్య పరిచేదిగా ఉంది. ఆరుపదుల వయసులోనూ యువకుడిగా కనిపిస్తూ అభిమానులకు షాకిచ్చాడు సూపర్ స్టార్. ఈ పోస్టర్లో మోహన్ లాల్ లుక్ చూసిన వారంతా షాకవుతున్నారు. ఇక ఆయన అభిమానులైతే ఆయన లుక్ కిరాక్‌గా ఉందంటూ ప్రశంసిస్తున్నారు. ప్రముఖ దర్శకుడు విఎ కుమార్ డైరెక్షన్‌లో తెరకెక్కుతున్న ఈ మూవీలో మోహన్ లాల్ ఓడియన్ మానిక్యన్ అనే యువకుడి పాత్రలో అలరించనున్నట్టు తెలుస్తోంది.
Happy to announce my next mollywood movie with @Mohanlal sir 🙂
direction @VA_Shrikumar .. official motion poster of #odiyan pic.twitter.com/DL5Nc4jz82— Peter Hein (@PeterHeinOffl) July 3, 2017
