ప్రభాస్ – హను రాఘవపూడి కాంబినేషన్లో రూపొందుతున్న చిత్రానికి సంబంధించిన టైటిల్ మరియు ఫస్ట్ లుక్ రేపు ఉదయం 11:07 గంటలకు, ప్రభాస్ పుట్టినరోజు సందర్భంగా విడుదల కానుంది. ఈ చిత్రాన్ని మైత్రి మూవీ మేకర్స్ అత్యంత భారీ బడ్జెట్తో నిర్మిస్తున్నారు. ఈ చిత్రం స్వాతంత్య్రానికి ముందు కాలం (ప్రీ-ఇండిపెండెన్స్ పీరియడ్) నేపథ్యంగా సాగుతుందని తెలుస్తోంది.
తాజాగా విడుదలైన అప్డేట్ ఆ వార్తను ధృవీకరించింది. పోస్టర్పై ఉన్న “Most Wanted Since 1932” అనే లైన్ చిత్రం కథా నేపథ్యంపై ఆసక్తిని రేకెత్తిస్తోంది. ఈ లైన్ చూస్తే, సినిమా కథ సుభాస్ చంద్రబోస్ వంటి స్వాతంత్ర్య సమరయోధుడి నేపథ్యంతో సంబంధం ఉండవచ్చని అభిమానులు ఊహిస్తున్నారు.
అలాగే, సోషల్ మీడియా పోస్టులో ఈ చిత్రం మహాభారతంలోని కర్ణుడి పాత్ర నుండి ప్రేరణ పొందిందనే సంకేతాలు కూడా కనిపిస్తున్నాయి. ఈ చిత్రంలో ఇమాన్వి కథానాయికగా నటిస్తుండగా, జయప్రద మరియు మిథున్ చక్రవర్తి ముఖ్య పాత్రల్లో కనిపించనున్నారు. సంగీతాన్ని విశాల్ చంద్రశేఖర్ సమకూరుస్తున్నారు.
Also Read:30న నారా రోహిత్ వివాహం