చెన్నై సూపర్కింగ్స్లో గత సీజన్ ఆడిన భారత స్పిన్నర్ రవిచంద్రన్ అశ్విన్, ఇకపై ఇండియన్ ప్రీమియర్ లీగ్లో కనిపించరని ప్రకటించారు. తన కెరీర్లో భాగమైన అన్ని ఫ్రాంచైజీలు, అలాగే బీసీసీఐకి కృతజ్ఞతలు తెలుపుతూ అశ్విన్ సోషల్ మీడియాలో అధికారిక ప్రకటన చేశారు.
ప్రత్యేకమైన రోజు, అందుకే ప్రత్యేకమైన ఆరంభం. ప్రతి ముగింపులో కొత్త ఆరంభం ఉంటుంది అంటారు. ఐపీఎల్ క్రికెటర్గా నా ప్రయాణం ఇక్కడితో ముగుస్తుంది. ఇకపై ప్రపంచంలోని వివిధ లీగ్లలో క్రికెట్ను కొత్త కోణంలో అన్వేషించే సమయం వచ్చింది. ఈ అద్భుతమైన జ్ఞాపకాలు, సంబంధాల కోసం అన్ని ఫ్రాంచైజీలకు ధన్యవాదాలు. ముఖ్యంగా నాకు ఇవన్నీ అందించిన @IPL, @BCCIకి రుణపడి ఉంటాను. రాబోయే రోజులను ఆస్వాదించేందుకు ఎదురు చూస్తున్నాను అన్నారు.
38 ఏళ్ల అశ్విన్, గతేడాది అంతర్జాతీయ క్రికెట్కు వీడ్కోలు పలికారు. 2025 సీజన్ మెగా వేలంలో చెన్నై సూపర్కింగ్స్ ఆయనను ₹9.75 కోట్లు వెచ్చించి తిరిగి దక్కించుకుంది. ఇది చెన్నై ఆటగాడికి తన పాత జట్టులోకి తిరిగి రావడం లాంటిదే, ఎందుకంటే 2009 నుంచి 2015 వరకు ఆయన సిఎస్కె తరపున ప్రాతినిధ్యం వహించారు.
ఆ తర్వాత రైజింగ్ పుణే సూపర్జెయింట్, కింగ్స్ ఎలెవన్ పంజాబ్ (ప్రస్తుత పంజాబ్ కింగ్స్), ఢిల్లీ క్యాపిటల్స్, రాజస్థాన్ రాయల్స్ తరపున కూడా ఆడారు.గత సీజన్లో సిఎస్కె తరపున తొమ్మిది మ్యాచ్లు ఆడిన అశ్విన్, ఏడు వికెట్లు మాత్రమే తీశారు.
Also Read:విఘ్నాలను తొలగించే విఘ్నేశా…నమో నమః