పీవీఆర్, బుక్ మై షోకు బిగ్ రిలీఫ్ లభించింది. కన్వీనియన్స్ ఫీజుపై మహారాష్ట్ర ప్రభుత్వం ఇచ్చిన ఉత్తర్వులను ఎం.ఎస్. సోనక్ మరియు జితేంద్ర జైన్ల ధర్మాసనం కొట్టివేసింది. మహారాష్ట్ర ఎంటర్టైన్మెంట్ డ్యూటీ చట్టం (MED చట్టం) ప్రకారం కన్వీనియన్స్ ఫీజు (సౌకర్యపు రుసుము) వసూలుపై నిషేధించేందుకు ప్రభుత్వానికి అధికారం లేదని ధర్మాసనం వ్యాఖ్యానించింది.
పీవీఆర్ మరియు బుక్మైషోకు మేలు కలిగేలా, మహారాష్ట్ర ప్రభుత్వం తీసుకున్న కన్వీనియన్స్ ఫీజును నిషేధించే నిర్ణయాన్ని బాంబే హైకోర్టు రద్దు చేసింది.ప్రభుత్వ ఉత్తర్వులు భారత రాజ్యాంగంలోని ఆర్టికల్ 19(1)(g) — వ్యాపారం చేయగల హక్కును ఉల్లంఘిస్తున్నాయని హైకోర్టు స్పష్టం చేసింది.
అటువంటి ప్రభుత్వ ఉత్తర్వులను (GOs) హైకోర్టు కొట్టివేసింది. ఆ ఉత్తర్వుల ద్వారా మల్టీప్లెక్స్లు మరియు సినిమా థియేటర్లు ఆన్లైన్ టికెట్ బుకింగ్ సమయంలో కన్వీనియన్స్ ఫీజును వసూలు చేయకుండా నిరోధించడం సరిఅయినది కాదని న్యాయమూర్తులు తీర్పు చెప్పారు.ఈ ఉత్తర్వులు ఆన్లైన్ టికెట్ బుకింగ్పై కన్వీనియన్స్ ఫీజును వసూలు చేయకుండా నిషేధించడాన్ని రాజ్యాంగంలోని ఆర్టికల్ 19(1)(g) ఉల్లంఘనగా పరిగణించాలి. కాబట్టి, ఈ ఉత్తర్వులను ఈ మేరకు రద్దు చేయాల్సిందే అని కోర్టు స్పష్టం చేసింది.
Also Read:బీసీ రిజర్వేషన్లు..చిత్తశుద్ది నిరూపించుకోవాలి
కస్టమర్లు థియేటర్కు వెళ్లకుండా ఆన్లైన్లో టికెట్లు బుక్ చేయడం సౌకర్యంగా భావిస్తే, వారు అదనంగా కొంత కన్వీనియన్స్ ఫీజు చెల్లించడాన్ని ప్రభుత్వం అడ్డుకోలేదని హైకోర్టు స్పష్టం చేసింది. ఆన్లైన్ బుకింగ్ సదుపాయాన్ని అందించేందుకు థియేటర్ యజమానులు, సంస్థలు సాంకేతిక రంగంలో పెట్టుబడి పెడతారు. కాబట్టి, వారిని కన్వీనియన్స్ ఫీజు వసూలు చేయకుండా ఆపడం సమంజసం కాదు అని కోర్టు వ్యాఖ్యానించింది.