మెగా వారసురాలైన నాగబాబు కూతురు కొణిదెల నిహారిక. ‘ఒక మనసు’అనే ఒక్క సినిమాతో దశ తిరిగిపోతుందని చాలామంది అనుకున్నారు. కానీ ఆ సినిమా ఆమెకు చేదు అనుభవం మిగిల్చింది. ఆ సినిమా ఓ మోస్తరుగా కూడా ఆడలేదు. అట్టర్ ఫ్లాప్ అయింది. ఐతే ఆ సినిమా చేసినందుకు తనకు ఎలాంటి రిగ్రెట్స్ లేవని అంటోంది నిహారిక తాను ఎంతో ఇష్టపడే ఆ సినిమా చేశానని ఆమె చెప్పింది. ఐతే ‘ఒక మనసు’ చేస్తున్నపుడే ఆ సినిమా ఫలితంపై కొంచెం సందేహంగా అనిపించినట్లు నిహారిక వెల్లడించడం విశేషం.
అయితే ‘‘ఒక మనసు కథ నాకు బాగా నచ్చడంతో సినిమా చేయడాలని ఒప్పుకున్నాను.ఆ సినిమాను ప్రేక్షకులు ఎలా రిసీవ్ చేసుకుంటారో అన్న సందేహాలు షూటింగ్ టైంలో నాకు కలిగాయి. కానీ ఆ కథ నాకు చాలా బాగా నచ్చడంతో సినిమా చేశాను. కాబట్టి నాకు బాధేమీ లేదు. ఆ సినిమా ఆడలేదని డిప్రెషన్లోకి వెళ్లిపోవడం.. ఇంకేదో అయిపోవడం లాంటివేమీ జరగలేదు’’ అని నిహారిక తెలిపింది.
మరి ఈఅమ్మడు తాజాగా రవి దుర్గా ప్రసాద్ అనే కొత్త దర్శకుడితో పని చేయబోతుందట. నిహారిక ప్రధాన పాత్రలో ఒక సినిమా మొదలైంది. ఇది హీరోయిన్ ఓరియెంటెడ్ మూవీ అని సమాచారం.అయితే ఒక మనసు సినిమా తర్వత మరోవైపు నిహారిక ఇప్పటికే తమిళంలో ఓ సినిమా చేస్తోంది. అందులో విజయ్ సేతుపతి హీరో కావడం విశేషం. అందులో నిహారికకు పెర్ఫామెన్స్ ఓరియెంటెడ్ రోలే దక్కిందట. కోలీవుడ్లో తనకు శుభారంభం దక్కుతుందని ఆమె ధీమాగా ఉంది.మరి ఈ అమ్మడికి తెలుగులో ఎలాగు కలసిరాలేదు కనీసం కోలీవుడ్‌లోనైనా హిట్‌ కొడుతుందేమో చూడాలి.
