ప్రస్తుతం లండన్ లో ఉంటున్న పలువురు ఎన్నారైలు,కరీంనగర్ జిల్లాకి చెందిన కాంగ్రెస్ నాయకుడు సాయి కిరణ్ రావు మరియు తెలంగాణలోని వివిధ జిల్లాలకు చెందిన నర్సింగ రావు, పవన్ కళ్యాణ్, భరత్ రావు, హర్ష వర్ధన్ రెడ్డి, సంజయ్ రెడ్డి, నందీప్ దొగ్గల తదితర ఎన్నారైలు….. ఎన్నారై బీ.ఆర్.యస్ వ్యవస్థాపక అధ్యక్షుడు అనిల్ కూర్మాచలం ఆధ్వర్యంలో బీ.ఆర్.యస్ పార్టీ లో చేరారు.ఈ సందర్భంగా అనిల్ కూర్మాచలం వారికి కండువాలు కప్పి పార్టీ లోకి ఆహ్వానించారు.
సాయి కిరణ్ రావు కరీంనగర్ నియోజికవర్గ ఎన్. ఎస్. యూ. ఐ రాష్ట్ర కార్యదర్శిగా, యూత్ కాంగ్రెస్ ఉపాధ్యక్షులుగా పని చేసి కాంగ్రెస్ పార్టీకి రాజీనామా చేసిన విషయం తెలిసిందే. కాంగ్రెస్ పార్టీ అధికారంలోకి రావడానికి ఎంతో కృషి చేశానని, కానీ తెలంగాణలో సంవత్సర కాలంగా జరిగిన విధ్వసం చూసి చాలా బాధపడ్తున్నానని, ప్రపంచంతో పోటీపడి కెసిఆర్ కేటీఆర్ గార్లు తెలంగాణను ఎంతో అభివృద్ధి చేశారని ఇలాంటి నాయకత్వం ఉంటేనే తెలంగాణకు మేలు జరుగుతుందని భావిస్తూ నేడు బీ.ఆర్.యస్ పార్టీలో చేరుతున్నట్టు సాయి కిరణ్ రావు తెలిపారు.
కాంగ్రెస్ ప్రభుత్వం ఎన్నికల సమయంలో ఇచ్చిన ఆరు గ్యారెంటీలను అమలు చేయడంలో, విఫలమైందని, కెసిఆర్ గారి నాయకత్వాన్ని బలపరచాలనే ఉద్దేశంతో బీ.ఆర్.యస్ పార్టీ లో చేరుతున్నట్టు నర్సింగ రావు, పవన్ కళ్యాణ్, భరత్ రావు, హర్ష వర్ధన్ రెడ్డి, సంజయ్ రెడ్డి, నందీప్ దొగ్గల తెలిపారు.
ఒక రాజకీయ పార్టీ ప్రతిపక్షంలో ఉన్నప్పుడు పని చేసి ఎంతో కష్టపడి, నేడు అధికారం వచ్చినప్పుడు అందులో ఉండకుండా తెలంగాణ అభివృద్ధి కేవలం కెసిఆర్ గారి నాయత్వంతోనే జరుగుతుందని భావించి బీ.ఆర్.యస్ పార్టీ లో చేరిన సాయి కిరణ్ రావు మరియు ఇతర ఎన్నారైలు నర్సింగ రావు, పవన్ కళ్యాణ్, భరత్ రావు, హర్ష వర్ధన్ రెడ్డి, సంజయ్ రెడ్డి, నందీప్ దొగ్గల అభినందించి, రానున్న రోజులల్లో వారికి తగిన గౌరవం పార్టీ ఇస్తుందని, అలాగే వారి అనుభవాన్ని నాయకత్వాన్ని కూడా పార్టీ ఉపయోగించుకుంటుందని, వారిని పార్టీలోకి అనిల్ కూర్మాచలం స్వాగతించారు. ఈ సమావేశంలో ఎన్నారై బీ.ఆర్.యస్ యూకే అధ్యక్షుడు నవీన్ రెడ్డి మరియు కార్యవర్గ సభ్యులు పాల్గొన్నారు.
Also Read:కేసులతో వేధిస్తే ఊరుకోం: కవిత
