అక్షయ్ కుమార్ ఈ మద్య కాలంలో చేసిన సినిమాలన్ని హిటే. అయితే తాజాగా ఒక వైవిధ్యమైన సినిమాలో నటించాడు అదే ”టాయిలెట్.. ఏక్ ప్రేమ్ కథ”. ఈ సినిమాలో అక్షయ్ కుమార్ హీరోగా భూమి పెద్నేకర్ హీరోయిన్ గా నటిస్తున్నారు.శ్రీనారాయణ సింగ్ అనే దర్శకుడు ఈ సినిమాను రూపొందించాడు. అయితే ఈ సినిమా ట్రైలర్ చూస్తే మాత్రం ఇదేదో గవర్నమెంట్ పథకాల కోసం చేసిన యాడ్ తరహాలో ఉంది కాని..ప్రజలకు ఏదో సందేశం ఇచ్చేలా ఈ సినిమాను రూపోందించారు. ఈ సినిమా కథలో చాల విషయం ఉందని ట్రైలర్ చూస్తే తెలుస్తుంది.
కేశవ్ (అక్షయ్) మరియు జయ (భూమి) రెండు ప్రక్క ప్రక్కన గ్రామాలకు చెందిన యువతీ యువకులు. ప్రేమలో పడతారు. పెళ్ళి చేసుకుంటారు. తీరా ఫస్ట్ నైట్ అయిన తరువాత.. హీరో చెల్లెలు వచ్చి.. లోటాల పండగ (పబ్లిక్ లో టాయిలెట్ కు ఈ ఊరి అమ్మాయిలతో తొలిసారి వెళ్లే పండగట)కు రమ్మని పిలుస్తుంది. అప్పుడు విస్తుపోయిన హీరోయిన్.. మీ ఇంట్లో టాయిలెట్ కట్టిస్తేనే వస్తాను.. లేకపోతే రాను అని పుట్టింటికి వెళిపోతుంది. ఆమె కోసం హీరో ఏం చేశాడు.. తులసి మొక్కలు నాటుకుని పూజ చేసే చోటనే బాత్రూమ్ కట్టుకోమంటారా అనే మెంటాలిటీ ఉన్న గ్రామస్థుల మైండ్ సెట్ ఎలా మార్చాడు అనేదే కత. ఈ మధ్యకాలంలో మనం విద్యాబాలన్ చేసిన గవర్నమెంట్ యాడ్ ఒకటి ఇటువంటి కథాంశంతోనే చూశాంగా.. సేమ్ అదే తరహాలో ఈ సినిమా అంతా ఉంది.
ఈ సినిమా ట్రైలర్ ఫన్నీగా ఉంది కాని. ఈ మధ్య కాలంలో అక్షయ్ కుమార్ భారీ హిట్లు అందుకున్నాడు మరి ఈసినిమా ఏరెంజ్‌లో ఉండబోతుందో మరి. ధమ్ లగాకే హైషా సినిమాలో చాలా లావుపాటి అమ్మాయిగా కనిపించిన భూమి.. ఈ సినిమాలో తన సన్నని క్రేజీలో లుక్ తో ఆకట్టుకుంది.అక్షయ్ మునుపటి సినిమాల మాదిరిగా భారీ హిట్‌ అవుతుందో లేదో వేచి చూడాలి.
