తెలంగాణలోని పలు జిల్లాలో మళ్లీ వర్షం కురిసే అవకాశం ఉందని వాతావరణ శాఖ హెచ్చరించింది. రాష్ట్రానికి తూర్పు, ఈశాన్య దిశలో తక్కువ ఎత్తులో బలమైన గాలులు వీస్తున్నాయని వీటి ప్రభావంతో రాష్ట్రంలో వర్షాలు కురుస్తాయని వాతావరణ శాఖ అధికారులు తెలిపారు.
రంగారెడ్డి, నాగర్ కర్నూల్, సూర్యాపేట, నల్లగొండ, భద్రాద్రి కొత్తగూడెం, సూర్యాపేట, మహబూబ్ నగర్ జిల్లాల్లో వర్షం కురిసే అవకాశం ఉందని వెల్లడించారు. ఈ మేరకు ఆయా జిల్లాలకు ఎల్లో అలర్ట్ జారీ చేశారు. ఉపరితల ఆవర్తనం ప్రభావంతో పొరుగు రాష్ట్రాలైన కర్ణాటక, తమిళనాడులో మాత్రం భారీ వర్షాలు కురిసే ఛాన్స్ ఉందని చెప్పారు.
తెలంగాణలో రాత్రి పూట చలి తీవ్ర పెరుగుతోందని…కొన్ని ప్రాంతాల్లో 18 డిగ్రీలకు తక్కువగా ఉష్ణోగ్రతలు నమోదువుతున్నాయన్నారు. రానున్న రోజుల్లో చలితీవ్రత మరింత పెరిగే అవకాశం ఉందని జాగ్రత్తగా ఉండాలని అధికారులు సూచించారు. నైరుతి బంగాళాఖాతంలో మరో అల్ప పీడనం ఏర్పడే ఛాన్స్ ఉందని ఐఎండీ హెచ్చరించింది. దీని ప్రభావంతో ఈ నెల 7 నుంచి 11 వరకు తెలుగు రాష్ట్రాల్లో మోస్తరు నుంచి భారీ వర్షాలు కురిసే ఛాన్స్ ఉందని చెప్పారు.
Also Read:మా రహస్యం ఇదం జగత్‌ …అప్‌డేట్
