బుల్లితెర బిగ్గెస్ట్ రియాల్టీ షో బిగ్ బాస్ తెలుగు 8 విజయవంతంగా 39 రోజులు పూర్తి చేసుకుంది. తాజా ఎపిసోడ్‌లో భాగంగా బీబీ హోటల్ టాస్కు కంటిన్యూ అయింది. ముందుగా మణికంఠను డ్యాన్స్ చేయాలంటూ రోహిణి-అవినాష్ అడగ్గా డ్యాన్స్ చేశాడు. తర్వాత కొంతమంది క్యారెక్టర్లు మార్చేశాడు బిగ్ బాస్. ఇక నుంచి టేస్టీ తేజ.. అవినాష్-రోహిణిలకి అసిస్టెంట్.. అలానే హరితేజ.. తన కొడుకు గురించి గర్వంగా ఫీలవుతూ హీరో చేద్దామనుకునే పాత్ర.. ఆమె కొడుకు పాత్రలో మెహబూబ్ నటించాలని చెప్పాడు. అలాగే గౌతమ్ ఆకతాయి అబ్బాయి.. నయనికి బాయ్ ఫ్రెండ్ కూడా…మరోవైపు పృథ్వీ హోటల్ ఓనర్ నబీల్ కొడుకు. ప్రేరణ.. అవినాష్‌కి అట్రాక్ట్ అయిన హోటల్ మేనేజర్.. మిగతా క్యారెక్టర్లు యథాతథం అని చెప్పాడు బిగ్ బాస్.
తర్వాత యష్మీ , ప్రేరణ చేత మసాజ్ చేయించుకున్నాడు అవినాష్. కొంచెం సేపటి తర్వాత బిగ్ బాస్ నుండి అనౌన్స్‌మెంట్ వచ్చింది. అతిథుల్లారా హోటల్ స్టాఫ్ నిన్నటి నుంచి వారి సేవలతో మిమ్మల్ని మెప్పించారు.. మిమ్మల్ని ఆకట్టుకోవడానికి చాలా ప్రయత్నిస్తున్నారు.. ఇప్పుడు వారి ఫిజికల్ స్ట్రెంత్ ఏంటో తెలుసుకునే సమయం వచ్చింది.. అతిథులందరూ స్టాఫ్‌లో అందరికీ మీకు నచ్చిన ఫిజికల్ ఛాలెంజెస్ ఇవ్వాలి.. అందులో చివరికి ఎవరైతే నిలుస్తారో.. మిమ్మల్ని మెప్పిస్తారో అందులో ఒక స్టాఫ్ సభ్యుడికి మీరు ఒక స్టార్ ఇవ్వాల్సి ఉంటుందని బిగ్‌బాస్ చెప్పాడు.
ఓజీ స్టాఫ్ అందరికీ కప్ప గెంతులు టాస్కు పెట్టారు రాయల్ క్లాన్ సభ్యులు. ఇందులో యష్మీ, ప్రేరణ గెంతలేక ముందే ఔట్ అయిపోయారు. చివరి వరకు నిల్చుకున్నారు నిఖిల్, మణికంఠ . దీంతో వీరిద్దరికి మరో టాస్క్ పెట్టారు రాయల్ క్లాన్ సభ్యులు. స్విమ్మింగ్ పూల్‌లో అక్కడక్కడ కొన్ని స్పూన్‌లు ఫోర్క్‌లు పడేసి ఎవరైతే వాటిలో ఆరింటిని ఒక్కొక్కటి తీసుకువస్తారో వాళ్లు విజేత అంటూ చెప్పారు. ఈ టాస్క్‌లో నిఖిల్ విజేతగా నిలిచాడు.
Also Read:ఏపీకి ఆమ్రాపాలి..
తర్వాత హౌస్‌లో వాటర్ బంద్ చేశాడు బిగ్‌బాస్. రెండు క్లాన్స్‌ నీటిని సేకరించి… ఈ నీటి కొరత సమస్యను తీర్చాల్సి ఉంటుందని …ఎవరైతే బజర్ మోగే సమయానికి ఎక్కువ నీటిని సేకరిస్తారో ఆ టీమ్‌కి రూ.25 వేలు రివార్డ్‌గా దక్కుతాయని చెప్పాడు. రాయల్ క్లాన్ నుంచి గౌతమ్, మెహబూబ్, హరితేజ రాగా ఓజీ నుంచి నిఖిల్, పృథ్వీ, నబీల్.. వచ్చారు. యష్మీ-నయని సంచాలక్‌గా వ్యవహరించారు. ఈ టాస్క్‌లో ఓజీ క్లాన్ విజేతగా నిలవగా రూ.25 వేలు ఇచ్చాడు బిగ్‌బాస్.
