బుల్లితెర బిగ్గెస్ట్ రియాల్టీ షో బిగ్ బాస్ తెలుగు సీజన్ 8 విజయవంతంగా 16 రోజులు పూర్తి చేసుకుంది. ఈ వారం ఎలిమినేషన్‌కు నామినేషన్‌లో 16 మంది ఉండగా కొత్త అఫైర్లతో ఎపిసోడ్ ఆధ్యంతం ఆసక్తికరంగా సాగింది. నామినేషన్లలో మాటల యుద్ధం నడవగా అది మర్చిపోకముందే పృథ్వీని పిలిచి ఓ హగ్గు ఇచ్చింది సీత. ఆ తర్వాత సీత వెళ్లగానే పృథ్వీ బుగ్గ గిల్లింది విష్ణు. ఆ తర్వాత రేషన్ కోసం ఇంటి సభ్యులకు టాస్క్ ఇచ్చారు బిగ్ బాస్.
ఎక్కువ టాస్కులు గెలిచిన సభ్యులకి నచ్చిన ఆహారం పొందే అవకాశం ఉంటుందంటూ ఆఫర్ ఇచ్చాడు. ముందుగా ఫొటో పెట్టు ఆగే టట్టు అనే టాస్కు ఇచ్చాడు బిగ్‌బాస్. కంటెండర్లు వారి చీఫ్ ఫొటోలను ఇచ్చిన స్లాట్స్‌లో వీలైనన్నీ ఎక్కువగా పెట్టాలి.. అలానే ఎవరూ పీకేకుండా చూసుకోవాలన్నాడు. లి. శక్తి (నిఖిల్) టీమ్ నుంచి పృథ్వీ, కాంతార (అభయ్) టీమ్ నుంచి నబీల్ పోటీ పడ్డారు. ఈ గేమ్‌లో ఇద్దరూ కొట్టుకునే వరకు వెళ్లగా చివరకు పృథ్వీ డిస్ క్వాలిఫై అయి కాంతార టీమ్ గెలిచింది.
తర్వాత మణికంఠ దగ్గరికెళ్లి నామినేషన్స్‌లో యష్మీ ఎందుకు హర్ట్ అయింది నిజం చెప్పరా అని అడిగాడు నిఖిల్. దీనికి ఫ్లర్ట్ అని చెబుతుంది ఎవరు అది ఆలోచించు.. ఫ్లర్టేశ్వర్ చెబుతున్నాడు అంటూ సీత కౌంటర్ ఇచ్చింది. తర్వాత సీత-నిఖిల్ ముచ్చట్లు కొనసాగాయి. ఓవైపు నిఖిల్-సీత మేటర్ సాగుతుండగా పృథ్వీని గెలికింది సోనియా. రెడీ అయిందిరా యష్మీ అని సోనియా అనగానే పృథ్వీ వెనక్కి తిరిగి చూశాడు. దీంతో ఏమైతాందిరా నీకు యష్మీకి మధ్య ఏం లేదు మాములుగా అడుగుతున్నా అని సోనియా చెప్పింది.
తర్వాత బిగ్ బాస్ రెండో టాస్క్ ఇచ్చాడు. నత్తలా సాగకు.. ఒక్కటీ వదలకు అంటూ పెట్టిన ఈ టాస్కు ప్రకారం ప్రతి టీమ్ నుంచి ఇద్దరు సభ్యులు.. క్యాబేజీలను నత్తల్లా పడుకొని తోస్తూ గీత వైపు చేర్చాలి. ఇచ్చిన టైమ్‌లో ఎక్కువ ఎవరు చేరిస్తే వాళ్లు విన్నర్. ఈ గేమ్‌కి కాంతార టీమ్ నుంచి ప్రేరణ, ఆదిత్య.. శక్తి టీమ్ నుంచి సోనియా, నిఖిల్ పోటీ పడ్డారు. ఈ టాస్క్‌లో శక్తి టీమ్ విజేతగా నిలిచింది. విన్నర్‌ని ప్రకటించిన వెంటనే సోనియా దగ్గరికెళ్లి బుగ్గ మీద ఓ కిస్ ఇచ్చాడు పృథ్వీ.
మూడో టాస్క్‌లో భాగంగా ‘బూరని కొట్టు.. రేషన్ పట్టు’ అనే టాస్క్ ఇచ్చారు బిగ్‌బాస్. దీని ప్రకారం రెండు టీమ్స్ నుంచి చెరొక సభ్యుడు.. బజర్ మోగగానే.. ఎదుటి సభ్యుని మీద అతికించిన బెలూన్లను పగలొట్టాలి.. బజర్ మోగే సమయానికి ఏ సభ్యుడు మీద ఎక్కువ బెలూన్స్ ఉంటాయో వాళ్లు విన్నర్. ఈ టాస్క్‌లో నిఖిల్,అభయ్ పోటీ పడగా తమ టీమ్ గెలిచినట్లు ప్రకటించింది సోనియా. ఈ క్రమంలో సోనియాపై ఫైర్ అయింది యష్మీ. నువ్వు ఓ పెద్ద చీటర్ అంటూ తిట్టింది.
Also Read:Bigg Boss 8 Telugu:ఈ వారం నామినేషన్‌లో ఉంది వీరే
