మాజీ సీఎం వైఎస్ జగన్‌కు చెందిన లోటస్ పాండ్‌కు హైడ్రా నోటీసులు అంటూ వస్తున్న ఫేక్ న్యూస్ పై వివరణ ఇచ్చారు హైడ్రా కమిషనర్ రంగనాథ్. ఆంధ్రప్రదేశ్ మాజీ ముఖ్యమంత్రి వైఎస్ జగన్ కు సైతం హైడ్రా నోటీసులు ఇచ్చిందని జోరుగా తప్పుడు ప్రచారం జరుగుతోందన్నారు.
హైద్రాబాద్ లోని జగన్ లోటస్ పాండ్ FTL పరిధిలోనే ఉందని…. త్వరలోనే హైడ్రా లోటస్ పాండ్ కూల్చేస్తోందని పెద్ద ఎత్తున సోషల్ మీడియాలో తప్పుడు ప్రచారం జరుగుతోందన్నారు. ఈ క్రమంలో వైఎస్ జగన్ కు నోటీసులు ఇచ్చినట్లు వస్తోన్న వార్తలపై హైడ్రా కమిషనర్ రంగనాథ్ స్పందించారు. వైఎస్ జగన్మోహన్ రెడ్డికు హైడ్రా ఎలాంటి నోటీసులు ఇవ్వలేదని క్లారిటీ ఇచ్చారు.
జగన్ హైడ్రా నోటీసులు ఇచ్చినట్లు సోషల్ మీడియలో జరుగుతున్నదంతా తప్పుడు ప్రచారామని దానిని ఎవరూ నమ్మొదని సూచించారు. హైడ్రా ఇట్లాంటి నోటీసులు ఇవ్వదని అక్రమం అని నిర్ధారించుకుంటే నేరుగా వెళ్లి కూల్చేస్తుంది అన్నారు.
Also Read:విజయవాడలో విరిగిపడ్డ కొండచరియలు
