సుదీర్ఘ కాలం తర్వాత వెండితెరపై ఖైదీ నెంబర్‌ 150 ద్వారా రీ ఎంట్రీ ఇచ్చిన చిరు. ఏమాత్రం చెక్కు చెదరకుండా అదే స్టైల్‌లో నటించాడు. అమ్మడూ.. లెట్స్‌ డు కుమ్ముడుతో టాలీవుడ్ రికార్డులను మెగాస్టార్ బ్రేక్ చేశాడు. డ్యాన్సు,యాక్షన్స్‌లతో అదరగొట్టాడు. సినిమా హిట్‌ టాక్‌తో చిరు అభిమానుల ఆనందానికి ఆవధులు లేకుండా పోయింది. తొమ్మిదేళ్ల విరామం తర్వాత మెగాస్టార్ నటించిన సినిమా టీజర్ దగ్గరి నుంచి సాంగ్స్ వరకు భారీగానే రికార్డులను బద్దలు కొట్టింది.
తాజాగా ఈ సినిమా విడుదలై నెలలు గడుస్తున్నా ఇంకా దీని మీద క్రేజ్‌ తగ్గలేదని మరోసారి రుజువైంది. ఈ ఆదివారం స్టార్‌ మా ఛానెల్‌లో ఈ సినిమా ప్రసారమై టీఆర్పీల్లో నెంబర్‌ వన్‌గా నిలిచింది. మరో ఛానెల్‌లో ఐఫా అవార్డుల కార్యక్రమం ప్రసారమైనా.. ప్రేక్షకులు మాత్రం ‘ఖైదీ నెంబర్‌ 150’కే పట్టం కట్టారు. అభిమానుల ఉత్సాహాన్ని గమనించిన సదరు ఛానెల్‌ నిర్వాహకులు కూడా ఈ సినిమాలోని ‘అమ్మడు లెట్స్‌ డూ కుమ్ముడు’, ‘రత్తాలు రత్తాలు’ పాటలను రెండేసి సార్లు ప్రసారం చేశారు. టీవీ చరిత్రలో ఇలా జరగడం ఇదే ప్రథమం. కాగా, ఖైదీ సినిమాని దాదాపు రూ.55 కోట్లతో నిర్మాత రాంచరణ్ తెరకెక్కించాడు. ఈ చిత్రం సుమారు రూ.150 కోట్లకుపైగా గ్రాస్‌ను రాబట్టింది.
