ఏపీ పదో తరగతి పరీక్ష ఫలితాలు విడుదల..

ఏపీ పదోతరగతి పరీక్ష ఫలితాలు రిలీజ్ అయ్యాయి. విజయవాడలో విద్యాశాఖ కమిషనర్ సురేష్ కుమార్ విడుదల చేశారు. ఫలితాల్లో బాలికలు పై చేయి సాధించారు. మొదటి స్థానంలో పార్వతీమన్యం జిల్లా నిలవగా.. చివరి స్థానంలో కర్నూల్ జిల్లా నిలిచింది.

రాష్ట్ర వ్యాప్తంగా రెగ్యూలర్ విద్యార్థులు 6,16,617 మందిలో 5,34,574 (86.69శాతం) మంది ఉత్తీర్ణత సాధించారని తెలిపారు సురేష్ కుమార్. రాష్ట్ర వ్యాప్తంగా బాలురు 84.32శాతం, బాలికలు 89.17శాతం ఉత్తీర్ణ సాధించారని వెల్లడించారు. 2,803 పాఠశాలల్లో 100శాతం విద్యార్థులు ఉత్తీర్ణత సాధించారు. 17 పాఠశాలల్లో ఒక్క విద్యార్థి కూడా పాస్ కాలేదని సురేష్ కుమార్ తెలిపారు.

ఫలితాల కోసం https://bse.ap.gov.in/ వెబ్ సైట్ లో చెక్ చేసుకోవచ్చు.

Also Read:Harishrao:ప్రశ్నిస్తే కేసులా?ఇదేం పాలన?