ఎన్నో సక్సెస్‌ఫుల్ చిత్రాలను అందించిన ప్రతిష్టాత్మక సంస్థ GA2 పిక్చర్స్ బ్యానర్ ప్రొడక్షన్ నెం.9గా రూపొందుతోన్న చిత్రం ‘ఆయ్’. ఎనర్జిటిక్ హీరో నార్నే నితిన్, నయన్ సారిక జంటగా నటిస్తున్నారు. అంజి కంచిపల్లి ఈ చిత్రంతో దర్శకుడిగా బాధ్యతలను నిర్వహిస్తున్నారు. టాలెంటెడ్ యంగ్ ప్రొడ్యూసర్స్ బన్నీ, విద్యా కొప్పినీడి ఈ ఫన్ ఎంటర్‌టైనర్‌ను నిర్మిస్తున్నారు.
ఇప్పటికే సిినిమా షూటింగ్ పూర్తయ్యింది. పోస్ట్ ప్రొడక్షన్ కార్యక్రమాలు శరవేగంగా జరుగుతున్నాయి. రీసెంట్‌గా టైటిల్ రివీల్‌కు సంబంధించిన కాన్సెప్ట్ వీడియో సోషల్ మీడియాలో తెగ వైరల్ అవటమే కాకుండా ప్రేక్షకుల నుంచి మంచి రెస్పాన్స్‌ను రాబట్టుకుంది.. అలాగే ఫస్ట్ లుక్‌కి కూడా మంచి స్పందన వచ్చింది. ప్రమోషన్స్‌లో మరింత వేగాన్ని పెంచుతూ తాజాగా మేకర్స్ ఈ మూవీ నుంచి మార్చి 20, ఉదయం 11గంటలకు ‘సూఫియానా’ అనే తొలి లిరికల్ సాంగ్‌ను విడుదల చేస్తున్నారు. దీనికి సంబంధించిన హిలేరియస్ కాన్సెప్ట్ వీడియోను శనివారం విడుదల చేశారు.
లిరికల్ సాంగ్‌కు సంబంధించిన కాన్సెప్ట్ వీడియోను గమనిస్తే.. హిలేరియస్గా ఆద్యంతం నవ్విస్తోంది. నార్నే నితిన్, నయన్ సారిక డబ్బింగ్ స్టూడియోలో కలుసుకోవటం.. తొలి పాటను విడుదల చేయాలని అనుకోగానే తను పాడుతానంటూ నయన్ సారిక ‘సూఫియానా..’ పాటను పాడటం హీరో, మ్యూజిక్ డైరెక్టర్ రామ్ మిర్యాల సహా అక్కడున్న మిగతా టీమ్ మెంబర్స్ దానికి భయపడటం.. అక్కడ ఇబ్బంది పడుతున్న టీమ్ హావభావాలకు జత చేసిన మీమ్స్ ఈ కాన్సెప్ట్ వీడియోను మరింత హిలేరియస్గా మార్చింది. చివరకు మ్యూజిక్ డైరెక్టర్ మార్చి 20న ‘సూఫియానా’ పాటను విడుదల చేస్తున్నట్లు ప్రకటించారు.
‘ఆయ్’ సినిమాను ప్రారంభం నుంచి సరికొత్తగా ప్రమోట్ చేస్తున్నారు. ఇది సోషల్ మీడియాలో తెగ వైరల్ అవుతూ అందరినీ ఆకట్టుకుంటోంది. ఇది టీమ్‌లో మరింత కాన్ఫిడెన్స్‌ను నింపుతోంది. ఈ డిఫరెంట్ ప్రమోషనల్ యాక్టివిటీస్ సినిమాపై అంచనాలను పెంచుతున్నాయి. ఏస్ ప్రొడ్యూసర్ అల్లు అరవింద్ సమర్పణలో రూపొందుతోన్న ఈ సినిమాకు కిరణ్ కుమార్ మన్నె ఆర్ట్ డైరెక్టర్‌గా, సమీర్ కళ్యాణి సినిమాటోగ్రాఫర్‌గా, రామ్ మిర్యాల సంగీత దర్శకుడిగా వర్క్ చేశారు.
Also Read:Kavitha:కవిత అరెస్ట్ వెనుక..పెద్ద కుట్రే?
