యంగ్ ట్యాలెంటెడ్ ప్రవీణ్ రాజ్ కుమార్ హీరోగా శశికాటిక్కో, ఆషు రెడ్డి కీలక పాత్రలలో సంజయ్‌రెడ్డి బంగారపు దర్శకత్వంలో ఓ యూనిక్ ప్యూర్ లవ్ ఎమోషనల్ డ్రామా రూపొందుతోంది. కె.ఓ.రామరాజు నిర్మిస్తున్న ఈ చిత్రానికి ‘పద్మ వ్యూహంలో చక్రధారి’అనే ఆసక్తికరమైన టైటిల్ పెట్టారు. ఈ సందర్భంగా టైటిల్ లాంచ్ ప్రెస్ మీట్ నిర్వహించారు.
ప్రెస్ మీట్ లో ముఖ్య అతిదిగా వచ్చిన దర్శకుడు శ్రీరామ్ ఆదిత్య మాట్లాడుతూ..’పద్మ వ్యూహంలో చక్రధారి’ టైటిల్ , పోస్టర్ చాలా ఆసక్తికరంగా వున్నాయి. ప్రవీణ్ రాజ్ కుమార్, ఆషు రెడ్డి, శశికా టిక్కో, మదునందన్, భూపాల్ రాజు. చిత్ర బృందం అందరికీ ఆల్ ది బెస్ట్. ఈ సినిమా ఖచ్చితంగా మంచి విజయం సాధిస్తుందనే నమ్మకం వుంది” అన్నారు,
దర్శకుడు కృష్ణ చైతన్య మాట్లాడుతూ.. ‘పద్మ వ్యూహంలో చక్రధారి’ పేరు చాలా యునిక్ గా వుంది. కంటెంట్ కూడా భిన్నంగా వుంటుంది. ప్రవీణ్ రాజ్ కుమార్ చాలా హార్డ్ వర్క్ చేశారు. ఈ సినిమాలో పని చేసిన అందరికీ ఆల్ ది బెస్ట్. సినిమా పెద్ద విజయం సాధించాలి’ అని కోరారు
ప్రవీణ్ రాజ్ కుమార్ మాట్లాడుతూ.. ప్రతి ఒక్కరికి ఫస్ట్ లవ్ వుంటుంది. కొందరు సక్సెస్ అవుతారు, కొందరు ఫెయిల్ అవుతారు. అయితే తన ఫస్ట్ లవ్ వద్దే ఆగిపోయిన ఓ వ్యక్తి అక్కడి నుంచి ఎలా బయటికి వచ్చాడనే పాత్రలో మధునందన్ కనిపిస్తారు. ఆ పాత్ర చాలా గుర్తుండిపోతుంది. ఆషు కూడా చాలా చక్కగా నటించింది. ఈ సినిమాలో పని చేసిన అందరికీ ధన్యవాదాలు. ఈ వేడుకకు వచ్చిన దర్శకుడు కృష్ణ చైతన్య గారికి, శ్రీరామ్ ఆదిత్య, వీర శంకర్ గారు, సుబ్బారెడ్డి అన్నకి థాంక్స్’ తెలిపారు
ఈ చిత్ర దర్శకుడు సంజయ్‌రెడ్డి బంగారపు మాట్లాడుతూ.. ‘పద్మ వ్యూహంలో చక్రధారి’ మంచి కంటెంట్ తో తీసిన సినిమా. చాలా కష్టపడి తీశాం. రాయలసీమ ప్రాంతం అంటే ఇన్నాళ్లు గొడవలు ఫ్యాక్షన్ ఇవే చూశారు ఈప్రాంతంలో ఉన్న స్వఛ్చమైన ప్రేమని చూపించబోతున్నాం గ్రామీణ నేపథ్యంలో జరిగే ఈ కథని ప్రేక్షకులు ఆదరిస్తారని ఆశిస్తున్నాం’ అని కోరారు.
Also Read:కుంకుమ పువ్వుతో ప్రయోజనాలు?
