కింగ్ నాగార్జున నటిస్తున్న ‘నా సామిరంగ’ మూవీ నుంచి మరో సాంగ్ రిలీజ్ అయ్యింది. తాజాగా ఈ సినిమాలోని ‘ఇంకా ఇంకా’ అంటూ సాగే లిరికల్ సాంగ్‌ను మేకర్స్ విడుదల చేశారు. M.M కీరవాణి రాసిన ఈ సాంగ్‌ను మమన్ కుమార్, సత్య యామిని పాడారు. విజయ్ బిన్నీ దర్శకత్వం వహిస్తున్న ఈ మూవీ ఈనెల 14న విడుదల కానుంది. అల్లరి నరేష్, రాజ్ తరుణ్ ఈ సినిమాలో ముఖ్య పాత్రలు పోషిస్తున్నారు. ఇక ఈ సినిమా సెన్సార్ పూర్తి చేసుకుని UA స‌ర్టిఫికెట్ అందుకుంది. సెన్సార్ పూర్తి చేసుకున్న నా సామిరంగ సినిమా టోట‌ల్ ర‌న్ టైమ్ 146 నిమిషాలుగా తెలుస్తోంది.
అన్నట్టు సంక్రాంతి అంటే సినిమా పండుగ అని కింగ్ నాగార్జున అన్నారు. ‘నా సామిరంగ’ ప్రీ రిలీజ్‌లో మాట్లాడుతూ.. ఈ సంక్రాంతికి నా సినిమాతోపాటు వస్తున్న గుంటూరు కారం, సైంధవ్, హనుమాన్ మూవీలకు ఆల్ ది బెస్ట్. ఈసారి పండక్కి కిష్టయ్య వస్తున్నాడు (ఈ సినిమాలో పాత్ర పేరు). బాక్సాఫీస్ కొడుతున్నాడు. నాన్నగారి ఆశీస్సులతో ఈ సినిమా చేశాను. కీరవాణి ఎప్పటికప్పుడు మమ్మల్ని ముందుకు తీసుకుని వెళుతూ వచ్చారని చెప్పారు.
డ్యాన్స్ మాస్టర్ విజయ్ బిన్నీ దర్శకత్వంలో టాలీవుడ్ కింగ్ నాగార్జున హీరోగా నటించిన ఈ మూవీ.. మలయాళ సూపర్ హిట్ మూవీ ‘పోరింజు మరియం జోస్’కి రీమేక్‌గా తెరకెక్కింది. ఈ మూవీలో అల్లరి నరేష్, రాజ్ తరుణ్ కీలక పాత్రల్లో నటించారు. ఇక ఈ మూవీ ట్రైలర్‌ను మేకర్స్ రిలీజ్ చేయగా అది బాగా వైరల్ అవుతుంది. కాగా, స్నేహం, ప్రేమ, రివెంజ్ డ్రామా కన్సెప్ట్‌తో తెరకెక్కిన ఈ మూవీ జనవరి 14న విడుదల కానుంది.
Also Read:కాంగ్రెసోళ్ళు అంటే కాంగ్రెసోళ్లే!
