సూపర్ స్టార్ మహేష్, మాటల మాంత్రికుడు త్రివిక్రమ్ కాంబినేషన్‌లో వస్తున్న సినిమా ‘గుంటూరు కారం’. ఈ మూవీ నుంచి వచ్చిన కుర్చీ మడత పెట్టి లిరికల్ సాంగ్‌ ప్రస్తుతం బాగా ఆకట్టుకుంది. ఐతే, తాజాగా మహేష్ ఈ సినిమాకి సంబంధించిన డబ్బింగ్ పార్ట్ ను పూర్తి చేసినట్లు తెలుస్తోంది. అలాగే, శ్రీలీల కూడా తన డబ్బింగ్ పార్ట్ ను ఫినిష్ చేసిందట. మీనాక్షి చౌదరికి డబ్బింగ్ ఆర్టిస్ట్ డబ్బింగ్ చెప్పబోతోంది. మరో రెండు రోజుల్లో ఈ సినిమాకి సంబంధించిన డబ్బింగ్ వెర్షన్ మొత్తం పూర్తి కానుంది. ఈ మూవీ సంక్రాంతి కానుకగా జనవరి 12న విడుదల కానుంది.
ఈ నేపథ్యంలోనే సినిమా రిలీజ్‌ను గురించి చిత్ర నిర్మాత నాగవంశీ స్పందించారు. ‘‘మీకు మళ్లీ చెబుతున్నా. మేము అదే మాట మీద ఉన్నాం. చాలా థియేటర్లలో ‘గుంటూరు కారం’ రికార్డ్స్‌ క్రియేట్ చేస్తుంది. రిలీజ్ మాకు వదిలేయండి. సెలబ్రేషన్స్‌ ఏమాత్రం తగ్గకుండా చూసుకునే బాధ్యత మీది అన్నట్టు కామెంట్స్ చేశాడు. అయినా, గుంటూరు కారం రిలీజ్ పై నిర్మాత నాగవంశీ ఇలాంటి వ్యాఖ్యలు చేయడం కొత్తేమీ కాదు. సినిమా మొదలు పెట్టిన రోజు నుంచి నాగవంశీ పబ్లిసిటీ కోసం తెగ తాపత్రయ పడుతున్నాడు. ఎలాగూ మహేశ్‌బాబు, త్రివిక్రమ్ శ్రీనివాస్‌ కాంబోలో సినిమా అంటే ఫూ; క్రేజ్ ఉంటుంది.
గుంటూరు కారం సినిమాకి కూడా భారీ క్రేజ్ వచ్చింది. ఇక ఈ సినిమాకు రెండు ట్రైల‌ర్ల‌ను రిలీజ్ చేయాల‌ని మేక‌ర్స్ ప్లాన్ చేస్తున్నారట. మొద‌ట నార్మ‌ల్ ట్రైల‌ర్‌ను రిలీజ్ చేసి, త‌ర్వాత రిలీజ్ ట్రైల‌ర్‌తో సినిమాకు మ‌రింత హైప్‌ను క్రియేట్ చేయ‌నున్నార‌ట. ఇదిలా ఉంటే, ఈ సినిమా క‌ర్ణాట‌క థియేట్రిక‌ల్ రైట్స్‌ను స్వాగ‌త్ ఎంట‌ర్‌ప్రైజెస్ సొంతం చేసుకున్న‌ట్లు తెలుస్తోంది. ఓటీటీ పార్ట్నర్ విషయానికి వస్తే.. అమెజాన్ ప్రైమ్ వీడియో ఈ సినిమా ఓటీటీ హక్కులు కొనుగోలు చేసింది.
Also Read:ఓటీటీ : ఈ వారం చిత్రాల పరిస్థితేంటి ?
