‘రారండోయ్.. వేడుక చూద్దాం’. ఈ చిత్రాన్ని సమ్మర్‌ స్పెషల్‌గా మే 26న ప్రపంచ వ్యాప్తంగా విడుదల చేసేందుకు సన్నాహాలు చేస్తున్నారు. ఇటీవల విడుదలైన ఈ చిత్రంలోని పాటలకు శ్రోతల నుంచి చాలా మంచి స్పందన వస్తోంది. రకుల్ తాజా చిత్రంగా ‘రారండోయ్ వేడుక చూద్దాం’ సినిమా ఈ నెల 26వ తేదీన భారీ స్థాయిలో విడుదల కానుంది. ఈ సందర్భంగా ఈ సినిమాను గురించి రకుల్ మాట్లాడుతూ .. ఈ సినిమాలో తాను భ్రమరాంబ పాత్రలో కనిపిస్తానని చెప్పింది. ఈ పాత్ర తనకి ఎంతగానో నచ్చిందనీ, ఎంతో సంతృప్తిని ఇచ్చిందని అంది.
అయితే ఈ పాత్ర గురించి దర్శకుడు కల్యాణ్ కృష్ణ చెప్పినప్పుడు, తాను చాలా బిజీగా వున్నానని చెప్పింది. నిజానికి డేట్స్ కూడా లేవనీ అయినా ఈ సినిమాను వదులుకోకూడదని నిర్ణయించుకున్నానని అంది. అలా తప్పకుండా ఈ పాత్ర చేయాలనే ఉద్దేశంతో చేశాననీ, ఆడియన్స్ కి బాగా నచ్చుతుందనే నమ్మకం ఉందని చెప్పుకొచ్చింది. ఈ సినిమాతో తన ఖాతాలో మరో హిట్ చేరడం ఖాయమంటూ ఆశాభావాన్ని వ్యక్తం చేసింది.
యువసామ్రాట్‌ నాగచైతన్య, రకుల్‌ప్రీత్‌ సింగ్‌, జగపతిబాబు, సంపత్‌, కౌసల్య, ఇర్షాద్‌(పరిచయం), చలపతిరావు, అన్నపూర్ణ, సప్తగిరి, వెన్నెల కిషోర్‌, పోసాని క ష్ణమురళి, రఘుబాబు, బెనర్జీ, సురేఖావాణి, అనితా చౌదరి, రజిత, ప్రియ, తాగుబోతు రమేష్‌, ఇష్క్‌ మధు తదితరులు ముఖ్యపాత్రలు పోషిస్తున్న ఈ చిత్రానికి సంగీతం: దేవిశ్రీప్రసాద్‌, స్క్రీన్‌ప్లే: సత్యానంద్‌, సినిమాటోగ్రఫీ: ఎస్‌.వి.విశ్వేశ్వర్‌, ఎడిటింగ్‌: గౌతంరాజు, పాటలు: రామజోగయ్యశాస్త్రి, శ్రీమణి, డాన్స్‌: రాజుసుందరం, ఆర్ట్‌: సాహి సురేష్‌, ఫైట్స్‌: రామ్‌లక్ష్మణ్‌, నిర్మాత: నాగార్జున అక్కినేని, కథ, మాటలు, దర్శకత్వం: కళ్యాణ్‌కృష్ణ కురసాల.
